Sapar barysynda qonaqtar Shahmardan Esenov atyndaǵy Kaspıı tehnologııalar jáne ınjınırıng ýnıversıtetiniń kitaphanasynda «Parasat joly» ortalyǵyn saltanatty túrde ashty.
42 jyldyq tarıhy bar, zamanaýı tehnologııalarmen jabdyqtalǵan bilim ordasynda 7 myńnan astam stýdent bilim alýda.
Parasat jolyn ustanǵan oqý orny «ashyqtyq, yqylas, kreatıvtilik» syndy qundylyqtardy ulyqtaıtyn bilim ordasy.
Atalǵan ortalyq adaldyq, parasattylyq, ádilettilik qaǵıdattaryn qalyptastyrýǵa, sondaı-aq ulttyq mádenıet pen rýhanııat qundylyqtaryn qoǵamda ilgeriletýge baǵyttalǵan tyń joba.
Ýnıversıtet qabyrǵasynda oqytýshylyq-professorlyq quramy, stýdentter men oblystyń 51 bilim ordasy basshylarynyń qatysýymen ótken keleli kezdesýde Jazıra Jylqyshıeva sybaılas jemqorlyqqa qarsy saıasattyń júzege asyrylýy, zańnamalyq ózgerister, sybaılas jemqorlyqqa qarsy mádenıetti qalyptastyrýdaǵy ilgerileýler jaıly sóz qozǵady.
Sádibek Túgel ulttyq mádenıet pen rýhanııat qundylyqtaryn jastar arasynda dáripteý mańyzdylyǵyn atap ótti jáne «Bizdiń dilimiz – ol bizdiń psıhologııamyz, mentalıtetimiz, peıilimiz ben pıǵylymyz, sony ózgertý kerek», dedi ol óz sózinde.
Budan bólek, erkin formatta qonaqtardyń qatysýymen ótken jıynda osydan 3 apta buryn bastaý alǵan «AntiParaCraft-2021» stýdenttik kvest oıyndarynyń jeńimpazdary marapattaldy.
Kezdesý qatysýshylardyń kóńilinen shyqty, al qonaqtar saparyn Munaıly aýdanyna jalǵastyrdy.
