General-leıtenant Nurlan Ermekbaev qarý-jaraqtyń saqtalý jaǵdaılaryna, áskerı tehnıkany kúzetýdiń uıymdastyrylý tártibine, órtke qarsy jáne dıversııaǵa qarsy qaýipsizdiktiń jaı-kúıine erekshe nazar aýdardy.
Budan ózge, qorǵanys mınıstri Almaty garnızonyndaǵy saqtaý bazasynda áskerı ınfraqurylym nysandarynyń salyný barysymen, sondaı-aq uzaq ýaqyt boıy saqtalǵan tehnıkany jóndeıtin jáne qyzmet kórsetetin sehtyń jumysymen tanysty.
Gvardeısk garnızonynda qorǵanys vedomstvosynyń basshysy brondy tank tehnıkasyna aǵymdyq jáne ortasha jóndeý júrgiziletin qoımalar men saqtaý alańdaryn, sehtyń jumysyn qarap shyqty.
Sondaı-aq, saqtaý bazalarynyń komandırleri Qorǵanys mınıstrine paıdalanylmaıtyn áskerı múlikti esepten shyǵarý, baǵalaý jáne odan ári ýákiletti organǵa berý jónindegi jumys týraly esepterin usyndy.
Paıdanylmaıtyn ásker múlik jónindegi máseleni sheshý qorǵanys vedomstvosy jumysynyń mańyzdy baǵyty sanalady. Keńes zamanynan beri belgilengen paıdalaný merzimi ótken jáne paıdalanýǵa jaramsyz materıaldyq zattar Qarýly Kúshterde saqtalýda.
Uzaq jyldar ishinde alǵash ret Qorǵanys mınıstrligi kóp jyldar boıy saqtalǵan áskerı tehnıkany tolyq túgendeý men suryptaýdy júrgizdi. Budan ári qoldanýdy jáne jóndeýdi qajet etetin tehnıka Qarýly Kúshterdiń balasynda qalmaq. Paıdalanýǵa jaramsyzdary – esepten shyǵarylyp, ýákiletti organnyń vedomstvolyq uıymdaryna (IIDM) beriledi.
Sonymen qatar, ýákiletti organnyń (IIDM) vedomstvolyq uıymdary paıdalanylmaıtyn áskerı múlikti kádege jaratady nemese balanstyq quny boıynsha ótkizedi.
Qazirgi ýaqytta Qorǵanys mınıstrliginde ýákiletti organnyń vedomstvolyq uıymdaryna (IIDM) balanstyq quny 100 mıllıard teńgeden asatyn paıdalanylmaıtyn áskerı múlikti berý prosesi júrip jatyr. Bul múlikti satýdan túsken qarajat memleket bıýdjetin tolyqtyrady.
