Jahandyq qorshaǵan orta ózgeristeri men jergilikti ekologııalyq problemalar bes kúnge arnalǵan jýrnalısterge arnalǵan kýrstyń basty bilim berý traektorııasy sanaldy. Ekologııalyq saýattylyqty arttyrý, ekologııalyq máseleler taqyrybyndy jýrnalıstik materıaldar daıarlaýdyń medıa quraldaryn úırený modýli shyǵarmashylyq keshendi qamtydy. BAQ-ta ekologııalyq máselelerdi jarııalaý, ekologııalyq bilim berý men tárbıeleý, qaldyqtardy kádege jaratý jáne qorshaǵan ortany qorǵaý problemalaryn talqylanyp, olardy ekologııalyq mádenıetti arttyrýy joldaryna deıin atalǵan sharaǵa ǵalymdar, jýrnalıster men ekologııalyq salanyń eriktileri qatysty.
BUU Jahandyq kommýnıkasııalar departamentiniń ókili - Qazaqstandaǵy BUU Aqparattyq bıýrosynyń basshysy Vlastımıl Samek «Turǵyndar arasynda ekologııalyq aqparat taratýdyń úlken jaýapkershiligi bar. Ekologııalyq oılaýdy qalyptastyrýda ýnıversıtetterdiń salalyq kafedralarynyń orny aıryqsha. Sondyqtan ol týraly bilim men aqparat keńinen taralýy jáne qoljetim bolýy tıis. 8 mlrd-qa jýyq turǵyny bar jer betinde adam balasy qandaı aýamen tynystaıdy jáne qandaı sý ishedi degen suraqtar qoǵam nazarynda. Derekter shynaıy bolýy jáne resmı derekterge negizdelýi ekologııa men qorshaǵan ortaǵa degen durys kózqaras qalyptastyrady», - dep atap ótti.
Qazaqstan, Qyrǵyzstan, Tájikstan jáne О́zbekstan boıynsha Almatydaǵy IýNESKO Klasterlik Bıýrosy Kommýnıkasııa jáne aqparat mamany Sergeı Karpov Turaqty damý maqsattary aıasynda ekologııalyq jýrnalıstıka boıynsha bilim berýdiń baǵdarlamalaryn tanystyrdy. Ýnıversıtettiń Baspasóz jáne elektrondy BAQ kafedrasy men Turaqty damý boıynsha IýNESKO kafedrasy ǵalymdary, Tájirıbeshil ekologtar qaýymdastyǵy spıkerlerdiń teorııalyq máseleden praktıkalyq daǵdylarǵa deıingi keshendi qamtydy.
Ekologııalyq problema óte kóptigi ras, degenmen ol ár adam balasynyń ómirine qatysty másele. Qazaqstan Respýblıkasynyń jańa ekologııalyq kodeksi túsindirýden bastap, mamandar BAQ-ta jıi atalatyn bıosferanyń lastanýy, ekotoksıkanttar, tótenshe jaǵdaılardan qorǵaný, ekologııalyq táýekelder, ekologııalyq izdi esepteý sııaqty kásibı problemalardy keńinen talqylady. Laboratorııalyq jaǵdaıda jýrnalıster sýdyń organoleptıkalyq kórsetkishterin taldady. Jýrnalısterge usynylǵan ekologııalyq mınımým - bıomýzeı, jasyl tehnologııalar zonasymen jaqyn tanystyrǵan kampýsqa ekotýrmen aıaqtaldy. QazUÝ Ǵylymı kitaphana qory «Ekologııa. Turaqty damý maqsattary. Jýrnalıstıka» taqyrybyndy kitap jáne BAQ materıaldar men Asylhan Ábdiraıymnyń «Qazaqstannyń kórkem tabıǵaty» fotokórmesi de sharanyń ádistemelik, vızýaldyq modýlyn nyǵaıtqany ras», dep atap ótti baǵdarlama úılestirýshisi Gúlmıra Sultanbaeva.
Bıylǵy jyly ýnıversıtettiń salalas kafedralary arasynda ǵylymı-pedagogıkalyq baǵytta «Ekologııalyq jýrnalıstıka» jańa bilim berý baǵdarlamasy ashylady. Sondaı-aq qatysýshylardyń bastamasymen ekologııalyq taqyrypta jazatyn jýrnalısterdiń ulttyq jelisin qurý usynyldy. Ekologııa salasynda másele qordalanǵan. Bul ekolog ǵalymdar men jýrnalısterdiń, eriktilerdiń jańa bilim men aqparattyq daǵdy jınaýdaǵy yntymaǵyn arttyrýdyń dáleli.
