Keder Ádistemede basqa múshe memleketterdiń naryqtaryna qol jetkizý problemalary týraly múshe memleketterdiń ótinishterin qaraý prosesi jáne EAEO-ǵa múshe memleketterdiń memlekettik organdarynyń is-qımyldaryn kedergiler nemese shekteýler dep taný týraly sheshimder qabyldaý algorıtmi egjeı-tegjeıli sıpattalǵan. Sonymen qatar ádisteme ózara saýdadaǵy kedergilerdi jikteýdi kózdeıdi. Ádistemede kedergilerdi joıý úshin múshe memleket qabyldaǵan sharalardyń jetkiliktiligin tekserýdiń qosymsha kezeńi túrinde joıylǵan dep tanýdyń belgili bir rásimderi kózdeledi.
Eske sala keteıik, atalǵan qujatty qabyldaýǵa qazaqstandyq tarap bastamashy boldy. Saýda jáne ıntegrasııa vıse-mınıstri Janel Kýshýkovanyń aıtýynsha, ádisteme múshe memleketterdiń naryqtaryna qol jetkizý problemalaryn kedergiler retinde jikteýge múmkindik beredi jáne ótinishterdi qaraý merzimderin qatań reglamentteıdi. Qazaqstandyq tarap kedergilerdi joıý prosesin naqty reglamentteý jáne qaraý merzimderin barynsha qysqartý qajettigi týraly ustanymyn birneshe ret bildirdi.
«Biz áriptesterimizdi osy qujatty qalyptastyrý kezinde qaǵıdatty túrde jańa tásilderdi eskerýge kóndire aldyq. Iаǵnı árbir kezeń ádisnama boıynsha barlyq is-áreketterdiń merzimderi reglamenttelgen jáne qysqartylǵan. Bul óz kezeginde jekelegen jaǵdaılardy qaraýdy keshiktirý múmkindigin boldyrmaıdy. Sondaı-aq kelip túsken ótinishter boıynsha aqparattyq resýrs qurý qarastyrylǵan. Kedergilerdi joıylǵan dep taný tártibi qarastyrylǵan, bul ony tolyq joıýǵa yqpal etedi. Jańa ádistemeni qabyldaý EAEO keńistiginde bıznes-qoǵamdastyqtyń qyzmetin jeńildetý boıynsha da, EAEO-ǵa múshe memleketter azamattarynyń múddelerin qorǵaý boıynsha da jumysty júıeli jáne ashyq júrgizýge múmkindik beredi» dedi J.Kýshýkova.
