Koronavırýs • 31 Naýryz, 2021

Aqtóbe oblysy «qyzyl aımaqta»

249 ret kórsetildi

31 naýryzdan bastap  Aqtóbe   oblysy koronavırýs ınfeksııasyn juqtyrý kórsetkishi  boıynsha «qyzyl» aımaqqa endi. Bul týraly óńirlik kommýnıkasııalar qyzmetinde ótken brıfıngte  oblystyq sanıtarlyq-epıdemıologııalyq departamentiniń basshysy Nursulý Berkimbaeva habarlady. Búgingi kúni óńirde koronavırýs ınfeksııasyn juqtyrǵan 82 jaǵdaı tirkeldi, dep habarlaıdy Egemen.kz.

Sońǵy málimet boıynsha Aqtóbe qalasynda  40 jaǵdaı,  Shalqar  –2, Hromtaýda –1, Alǵada –4, Oıyl aýdandarynda 4  naýqas tirkeldi. Aqtóbe qalasynda úsh naýqastan koronavırýstyń «brıtandyq» shtamy  anyqtaldy. Naýqastarmen qarym-qatynasta bolǵan 1300 aqtóbelik úı karantınine alyndy.

Nursulý Berkimbaeva  brıfıngte  sanıtarııalyq-epıdemıologııalyq baqylaý qyzmetiniń jańa Qaýlysyn jarııalady.  Onda «adamdar kóp jınalatyn is-sharalardyń ótkizilmeıtini, oıyn-saýyq oryndary men  jabyq balalar oıyn alańdarynyń jumys istemeıtini, mektep ashanalary ashylmaıdy, qalaaralyq, oblysaralyq  avtobýstar qozǵalysy shekteletini kórsetilgen. Kınoteatr, teatr, murajaı, kitaphanalar onlaın túrinde  qyzmet kórsetedi.  Ramazan kezinde  aýyzashar jasaýǵa ruqsat joq. Dinı oryndarda  ujymdyq is-sharalar ótpeıdi. Balabaqshalarda kezekshi toptar ǵana jumys isteıdi.  Qoǵamdyq tamaqtaný oryndary  jeksenbide jabylyp, osy kúni tek tapsyrystar jetkizedi. Jeksenbi kúni saýna, monsha, sulýlyq salondary, oıyn-saýyq ortalyqtary men saýda úıleri  jabylady».

Sondaı-aq oblystyq bilim basqarmasynyń basshysy Joldas Batyrhan 1 sáýirden bastap Aqtóbe oblysynyń barlyq orta mektepteri aralas oqý formatyna kóshetinin habarlady.  Búginde Aqtóbe oblysynda jalpy bilim beretin 416 mektepte 159 myń 602 oqýshy oqıdy.  Al, bala sany 300-den aspaıtyn 246 aýyl mektebi dástúrli formatta jalǵastyra beretin boldy. Mundaǵy  oqýshylar sany – 23 myń 820.  Bular óńiregi barlyq orta bilim berý mekemeleriniń  14  %-yn quraıdy. Osylaısha  oqýshy sany az eldi mekender men qaladaǵy erekshe qajettiligi bar balalar oqıtyn arnaýly mektepterde  IV toqsan dástúrli túrde bastalady.  Oblystyq bilim basqarmasy erteńnen bastap  oqýshy sany 300-den asatyn árbir qala mektebi  aralas oqýǵa kóshetinin habarlady. Qala jáne aýdan ortalyqtaryndaǵy mektepterdiń barlyǵy  70%-y oflaın, 30%-y  onlaın formatynda oqıdy. Jáne árbir synyptaǵy oqýshylar sany 25-ten aspaýy tıis.

 

Sońǵy jańalyqtar

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Zeınetkerlerge avtonesıe berile me?

Qoǵam • Búgin, 12:18

Esirtki satatyn 655 saıt buǵattaldy

Qoǵam • Búgin, 12:09

Uqsas jańalyqtar