Aqtóbe oblysynyń PD Esirtki qylmysyna qarsy is-qımyl basqarmasynyń qyzmetkerleri Ulttyq ulannyń arnaıy bólinisiniń jaýyngerlerimen birge jedel is-sharalar ótkizý barysynda qylmystyq toptyń áreketteriniń jolyn kesti. Polıseıler qylmystyq top músheleriniń Aqtóbe oblysynyń aýmaǵynda asa iri kólemde marıhýana men gashıshti tasymaldaýmen, saqtaýmen jáne satýmen aınalysqanyn anyqtady. Kórsetilgen adamdardyń qylmystyq áreketteri aıǵaqtarmen bekitilip, basqa da jasyryn is-sharalar ótkizildi, nátıjesinde tártip saqshylary esirtki dıllerleriniń izine tústi.
– Operasııa ótkizý týraly aqparattyń taralýyna jol bermeý úshin ustaý jáne tintý sharalary birden birneshe mekenjaıda ótkizildi, – dedi Aqtóbe oblysynyń PD Esirtki qylmysyna qarsy is-qımyl basqarmasynyń bastyǵy Nýrlan Taýshanbaev.
Mysaly, Aǵaıyndy Jubanovtar kóshesinde “Toyota-Raf4” markaly kólik toqtatyldy. Kólik salonynda 54 jastaǵy esirtki jetkizýshi boldy, onyń turǵylyqty mekenaıynan bes keli gashısh alyndy. Onymen birge onyń eki tanysy boldy. Olardyń birinde ózimen birge 1 keliden astam marıhýana jáne 10 gramnan astam gashısh boldy, onyń páterin tintý kezinde 22 keliden astam marıhýana tabyldy.
Budan basqa turǵylyqty jerleri boıynsha qylmystyq toptyń úsh múshesi ustaldy. Ustalǵandardyń barlyǵy buryn esirtki satqandary úshin qylmystyq jaýapkershilikke tartylǵan. Polıseıler barlyǵy 24 keliden astam marıhýana jáne 5 keliden astam gashısh aldy. Mundaı esirtkiniń “qara naryqtaǵy” quny 27,2 mıllıon teńgeni quraıdy.
