Densaýlyq saqtaý eks-mınıstri Eljan Birtanovtyń densaýlyǵy syr berdi. Qazirgi tańda oǵan medısınalyq kómek kórsetilip jatyr. Bul týraly burynǵy bas dárigerdiń qorǵaýshysy Dmıtrıı Kýrıachenko «Astana» arnasynyń tilshilerne bergen suhbatynda aıtty. Sondaı-aq ony úı qamaǵynda negizsiz ustap otyrǵanyna narazy.
Onyń aıtýynsha, tergeý organdarynyń áreketi isti obektıvti júrgizýge emes, Birtanovty qýdalaýǵa baǵyttalyp otyr. Sondaı-aq ol eks-mınıstrdiń aqsha jymqyrý jáne ysyrap etý faktisine naqty dáleldiń joǵyn alǵa tartty.
– Kerisinshe, onyń kinásizdigin rastaıtyn faktiler jeterlik. Negizgi kúdik horvatııalyq «Erıkson Nıkola Tesla» kompanııasynyń ıntegrasııalanǵan Densaýlyq saqtaý platformasynyń jetkizýshisi jasaǵan boljamdarǵa negizdelgen. Alaıda, tipti «EGOV» saıtynda azamattar anyqtaǵan medısınalyq mekemelerde tirkeý týraly jaqynda bolǵan janjal platformanyń jumys istep turǵanyn rastaıdy. Bas prokýratýra Birtanovty qorǵaýdyń ótinishin qoldap, tergeý týraly «Erıkson Nıkola Teslanyń» qatysýymen qaıta saraptama taǵaıyndady, – deıdi burynǵy mınıstrdiń advokaty.
Esterińizge sala keteıik, byltyr kúzde Eljan Birtanov bıýdjet aqshasyn iri kólemde jymqyrdy degen kúdikpen ustalǵan bolatyn.
