Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe alyp ketý arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldardy, sondaı-aq kreslo-arbalar berýdi qamtıdy.
2021 jylǵy 1 sáýirdegi derekter boıynsha 43,7 myńnan astam múgedektigi bar adam OTQ, 6,5 myńy – ymdaý tili qyzmetin, 30,8 myńy – jeke kómekshi qyzmetin, 12 myńy – sanotorlyq-kýrorttyq em aldy.
Sondaı-aq, portal arqyly 26,4 myń tabysy az otbasy áleýmettik toptama alýdy resimdedi.
Budan basqa, jyl basynan beri MAB arqyly telefon nómirine sms-habarlama jiberý arqyly ońaltý quraldarymen jáne qyzmetterimen qamtamasyz etýge 5,3 myń qujat proaktıvti túrde resimdeldi.
Búgingi kúni portalda arnaýly áleýmettik qyzmet kórsetetin 1394 medısınalyq-áleýmettik mekeme (bólimsheler), OTQ 764 jetkizýshisi, 12 myńnan astam jeke kómekshi qyzmetin, 564 ymdaý tilin, 79 sanatorlyq-kýrorttyq emdeýdi, 207 kepildik berilgen áleýmettik toptamany jetkizýshi tirkelgen.
2020 jylǵy 29 jeltoqsannan bastap Elektrondyq úkimet portalynda (eGov.kz) múgedektigi bar adamdarǵa QR Eńbek jáne halyqty áleýmettik qorǵaý mınıstrliginiń memlekettik qyzmetterin kórsetýge elektrondyq ótinim berý múmkindigi iske asyryldy. Ońaltý quraldarymen jáne qyzmetterimen qamtamasyz etýge arnalǵan 14,8 myńnan astam qujat Elektrondyq úkimet portaly arqyly resimdeldi.
Qazirgi ýaqytta Áleýmettik qyzmetter portalyna 59 208 múgedektigi bar adam jáne «qamqorshy» mártebesi bar 61 594 adam kirdi.
2020 jyly portal arqyly OTQ-nyń 24 túrin satyp alý múmkindigi berildi. Ony 16,3 myńnan astam adam paıdalandy, olarǵa 28,8 myń ońaltýdyń tehnıkalyq quraly berildi.
Qazirgi ýaqytta múgedektigi bar adamdar jeke irikteýdi talap etpeıtin OTQ-nyń 74 túrin satyp alý múmkindigine ıe. Mysaly, kııýge arnalǵan túrli qurylǵylar, jaıalyqtar, tazartqyshtar.
Budan basqa, Portal arqyly jeke kómekshiniń, ymdaý tili mamanynyń qyzmetterine jáne sanatorlyq-kýrorttyq emdelýge tapsyrys berýge bolady. Sondaı-aq, tabysy az otbasylardyń kepildik berilgen áleýmettik toptama alý múmkindigi bar.
«Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde kózdelgen.
Call-ortalyqtan 1411 nómiri arqyly Portaldy paıdalaný boıynsha keńes alýǵa bolady.
