Ol polısııanyń úkimettik emes sektormen tyǵyz yntymaqtastyq ornatqanyn jetkizdi. Búginde 40-qa jýyq daǵdarys ortalyǵy zardap shekkenderdi áleýmettik ońaltýda polısııaǵa kómek kórsetedi, olardyń 30-ynda baspanalar bar. О́tken jyly polısııa qyzmetkerleri ómirlik qıyn jaǵdaıǵa tap bolǵan 11 myńnan astam áıeldi daǵdarys ortalyqtaryna jiberdi, Senim telefondary boıynsha 8 myńnan astam keńes berildi. Al «Zorlyq-zombylyqsyz 16 kún» aksııasy barysynda ótken jyldyń jeltoqsan aıynda 17 myńnan astam esepte turǵan azamat tekserildi, onyń ishinde 11 myńy - buzaqylar.
«Áıelderdiń quqyqtaryn qorǵaý máselelerinde áıelderdi zorlyq-zombylyqtan qorǵaý jónindegi arnaıy polısııa ınspektorlaryna erekshe ról beriletinin atap ótý qajet. Sondyqtan, bıyl 25 aqpanda Memleket basshysy ulttyq qoǵamdyq senim keńesiniń otyrysynda osy polısııa bólimsheleriniń shtat sanyn nyǵaıtý qajettigine erekshe nazar aýdardy.
Jaqynda ǵana ishki rezervter esebinen olardyń sany eki ese artyp, belgilengen standarttarǵa jetkizildi. Búgingi kúni áıelderdi zorlyq-zombylyqtan qorǵaý salasynda jumys isteıtin ınspektorlardyń shtaty 248 birlikti quraıdy, al kámeletke tolmaǵandardyń isteri jónindegi ınspektorlardyń shtaty – 1 myńnan astam. Mundaı laýazymdar endi árbir aýdandyq polısııa bólimshesine engizildi», dedi Komıtet tóraǵasynyń orynbasary.
