Vıdeo • 01 Sáýir, 2021

Pavlodarda mas kúıinde júrgen 10 jasóspirim ustaldy

68 ret kórsetildi

Jasóspirimder qylmysynyń aldyn alý jáne eskertý maqsatynda 2021 jylǵy 20-30 naýryz aralyǵynda  «Kóktemgi kanıkýl» jedel aldyn alý is-sharasy ótkizildi, dep habarlaıdy Egemen.kz Ravlodarnews.kz saıtyna silteme jasap.

Oblystyq polısııa departamenti baspasóz qyzmetiniń málimetinshe, reıd barysynda zańdy ókilderiniń erip júrýinsiz túngi ýaqytta turǵyn úıden tys jerde bolǵan  kámeletke tolmaǵan 49 bala anyqtalǵan. Barlyq ata-analarǵa qatysty QR ÁQBtK-niń 442-baby 2-bóligi boıynsha ákimshilik is qozǵaldy. 

- Sondaı-aq qoǵamdyq oryndarda mas kúıinde bolǵan kámeletke tolmaǵan 10 bala ustaldy. Osy buzýshylyq úshin jasóspirimderdiń zańdy ókilderine qatysty QR ÁQBK 440-baby boıynsha ákimshilik is qozǵaldy. Mysaly, saǵat 23.20-da Teplov kóshesinde 15 jastaǵy jasóspirim ustaldy. Áńgime barysynda  alkogoldiń ótkir ıisi shyǵyp turdy. Polısııa bólimine jasóspirimniń ata-anasy shaqyrylyp, olardyń qatysýymen kýálandyryldy, - dedi Pavlodar qalasy ıývenaldy polısııasynyń aǵa ınspektory Rýslan Súleımenov. 

Mamandardyń aıtýynsha, jasóspirim ortasha mas kúıinde bolǵan. Anasyna qatysty QR ÁQBK 440-baby 2-bóligi boıynsha ákimshilik hattama toltyryldy.

- Profılaktıkalyq is-sharany ótkizý kezeńinde Pavlodar qalasynyń polısııa qyzmetkerleri 69 ákimshilik quqyq buzýshylyqty anyqtady. Kámeletke tolmaǵan 7 bala jáne qolaısyz 16 otbasy aldyn alý jumystaryn júrgizý úshin baqylaýǵa alyndy. Budan basqa, kámeletke tolmaǵandardy tárbıeleýmen tıisti túrde aınalyspaıtyn zańdy ókilderdi anyqtaý boıynsha jumys júrgizildi. QR ÁQBtK-niń 127-baby boıynsha kámeletke tolmaǵan balany tárbıeleý jáne (nemese) bilim berý, quqyqtary men múddelerin qorǵaý jónindegi mindetterdi oryndamaǵany úshin 11 ata-ana jaýapqa tartyldy, - dep atap ótti Rýslan Súleımenov.
Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar