«Jańa Konstıtýsııa jobasy usynylǵan sátten bastap ony talqylaý men túsindirý jumystary keń kólemde júrgizilip, qoǵamda jan-jaqty pikir almasý boldy. Munyń barlyǵy el bolashaǵy úshin jasalǵan naqty ári jaýapty qadamnyń biri. Referendýmǵa kelgen árbir qazaqstandyq osy tarıhı sáttiń mańyzyn tereń túsinip, júrek qalaýymen, azamattyq jaýapkershiligin sezine otyryp óz tańdaýyn jasaıdy. Syrt kózge baıqala bermegenimen, elimizdiń ár óńirindegi saılaý ýchaskelerinde memleket taǵdyryna qatysty mańyzdy saıası sheshim qabyldanyp jatyr», dedi Salamat Ydyrysov.
Al «Azamattyq avıasııa akademııasy» AQ basqarma tóraǵasy-rektory Qaırat Jaqypov óz sózinde Konstıtýsııa – memlekettiliktiń berik negizi ári el damýynyń basty qaǵıdattaryn aıqyndap, azamattardyń quqyqtary men bostandyqtaryn qorǵaýdy qamtamasyz etetinin aıtty.
Almatyda referendým barysyn 1300-den astam táýelsiz baqylaýshy qadaǵalap otyr
«Referendým – ár azamatqa óz ustanymyn bildirýge jáne eldiń odan ári damý baǵytyn aıqyndaý isine qatysýǵa múmkindik beretin mańyzdy demokratııalyq qural. Qazaqstan azamaty retinde osyndaı el taǵdyry úshin jaýapty sharalarǵa beıjaı qaramaı, belsendi qatysýdy mańyzdy dep sanaımyn. Búgin men de azamattyq mindetimdi oryndadym. Árqaısymyzdyń belsendi azamattyq ustanymymyz qoǵamnyń nyǵaıýyna jáne elimizdiń bolashaǵynyń berik bolýyna yqpal etedi», dedi ol.
Sh.Ýálıhanov atyndaǵy Kókshetaý ýnıversıteti basqarma tóraǵasy-rektory Marat Syrlybaev ta osy ýnıversıtet qabyrǵasynda ornalasqan №9 saılaý ýchaskesinde jeti myńǵa jýyq stýdent mańyzdy saıası naýqanǵa qatysyp jatqanyn jazdy.
«Búgin alǵashqylardyń biri bolyp daýys berdim. Bilim salasynyń mamany retinde meniń daýysym Ata zańda basymdyq alǵan strategııalyq baǵytqa, ıaǵnı bilim, ǵylym, ınnovasııa salasyna, jas urpaqtyń sapaly bilim alýyna, elimizdiń órkendeýine jáne bolashaǵyna úles qosýy úshin berildi. Meniń daýysym – ol halyqtyń úni, bolashaqqa degen senim men úmit, zaman aǵymyna ózim jáne otbasymmen qosqan úlesim. Meniń osy oı-pikirimdi jaqyndarym, baýyrlarym, áriptesterim jáne shákirtterim qoldaıdy degen oıdamyn. Shyn máninde, Ata zańdaǵy ózgeristerge at salysýymyz – memleket damýyndaǵy ońtaıly betburystardyń tarıhı ári tyń paraǵy», dedi ol.
Toqaev: Kez kelgen elde, sonyń ishinde Qazaqstanda qos bılik bolmaýǵa tıis
Qaraǵandy ındýstrıaldy ýnıversıtetiniń basqarma tóraǵasy-rektory Baqyt Jáýtikov te Temirtaý qalasyndaǵy saılaý ýchaskeleriniń birinde daýys berip, azamattardyń memlekettik mańyzy bar sheshimderdi qabyldaýǵa qatysýynyń mańyzdylyǵyn atap ótti.
«Daýys berýge qatysý – azamattyq jaýapkershiliktiń kórinisi jáne árbir adamnyń memlekettiń bolashaǵyna qosqan úlesi», dep atap ótti ol.
