Aımaq basshysy Gúlshara Ábdiqalyqova jańa orynbasarynyń qyzmetine sáttilik tiledi.
– Baljan Móráliqyzy óńirdiń áleýmettik-ekonomıkalyq jáne qoǵamdyq-saıası ahýalymen jaqsy tanys. Ár túrli salada jınaqtaǵan mol tájirıbesin, qazirgi tańda mańyzdy bolyp sanalatyn áleýmettik salany odan ári jetildirýge aıanbaı jumsaıdy dep senim bildiremin.Oblys ákiminiń orynbasary retinde Baljan Móráliqyzy densaýlyq saqtaý, bilim berý, jumyspen qamtý jáne eńbek salasyndaǵy baqylaý salalaryna jetekshilik jasaıtyn bolady.Jańa qyzmetińizben quttyqtaı otyryp, aldaǵy atqarar jaýapty jumystaryńyzǵa sáttilik tileımiz!, – dedi oblys ákimi.
Shámenova Baljan 1962 jyly Qyzylorda oblysynda dúnıege kelgen. Almaty halyq sharýashylyǵy ınstıtýtyn «ekonomıst» mamandyǵy boıynsha bitirgen. Ekonomıka ǵylymdarynyń kandıdaty, dosent.Eńbek jolyn 1979 jyly Qyzylorda qalasyndaǵy «Rıssovhozstroı» tresiniń № 27 jyljymaly mehanıkalyq kolonnasynda shtýkatýr-malıarshy retinde bastaǵan.
1984-1997 jyldary oblystyń joǵarǵy oqý oryndarynda jaýapty pedagogıkalyq qyzmetter atqarǵan.1997-2012 jyldary oblystyq ekonomıka basqarmasynyń basshysy bolǵan.
2012-2013 jyldary oblystyq medısına ortalyǵy dırektorynyń ekonomıka boıynsha keńesshisi. 2013-2014 jyldary Qazaq ınjenerlik-tehnıkalyq akademııasynyń dosenti ǵylymı qyzmetterin atqarǵan.
2014-2016 jyldary QR Densaýlyq jáne áleýmettik damý mınıstrliginiń departament dırektory. 2016-2019 jyldary «Nur Otan» partııasy ortalyq apparaty jetekshisiniń orynbasary laýazymdaryn atqarǵan.2019 jylǵy qyrkúıek aıynan bastap «Eńbek resýrstaryn damytý ortalyǵy» AQ basshylyq laýazymdarynda áleýmettik qamsyzdandyrý salasynda qyzmet atqaryp keldi.
