Gúlshara Naýshaqyzy shahar basshysynyń segiz jylda atqarǵan aýqymdy jumystaryna toqtalyp, Qyzylorda qalasynyń áleýmettik-ekonomıkalyq, ınfraqurylymdyq damýy jolyndaǵy jemisti jumysyn erekshe atap ótti. Sonymen birge óńir basshysy Nurlybek Mashbekulynyń aldaǵy ýaqytta jańa qyzmetinde qolǵa alar el múddesi jolyndaǵy árbir bastamasyna Syr halqy qashan da tilekshi ekendigin jetkizip, talaı bıikterdi baǵyndyrýyn tiledi.
Qalanyń sońǵy jyldardaǵy damý qarqyny Nurlybek Mashbekulynyń erekshe uıymdastyrýshylyq jáne kóshbasshylyq qabiletiniń jemisi degen medısına salasynyń bilgiri, sala ardageri Turǵanbaı Mahanov shahardaǵy kóp jetistikti de qala ákiminiń eńbegimen baılanystyrdy.
Sonymen qatar aktıv otyrysynda memleket jáne qoǵam qaıratkeri Aıtbaı Kósherbaı, oblystyq máslıhat depýtaty Shakızada Ábdikárimov pen qalalyq máslıhat hatshysy Ibadýlla Quttyqojaev Nurlybek Máshbekulynyń eńbek jolyna, el qyzmetindegi eseli eńbegine erekshe toqtaldy.
О́z kezeginde aımaq basshysynyń joǵary baǵasyn alyp, áriptestes, aǵa qyzmettesteriniń qurmetine bólengen Nurlybek Nálibaev «Qala ákimi qyzmetin atqarýǵa múmkindik jasaǵan Elbasy men Memleket basshysyna, aımaq basshylaryna, jaqsylyǵymyzdy asyryp, kemshiligimizdi keshirgen Syr halqyna alǵaýsyz alǵys aıtyp, meni qoldaǵan barsha áriptesterime sheksiz rızashylyǵymdy bildirgim keledi. Qyzylordaǵa ákim bolyp, qala tizginin qolǵa ustaǵaly beri atqarǵan jumysymyzdy jurtshylyq jaqsy biledi dep oılaımyn. Qalany damytý jolynda aýqymdy tirlikti jalǵyz ózim istedim deýden aýlaqpyn. Áriptestesimnen bólek turǵyndarǵa deıin ortaq iske úles qosty. Qyzylordanyń keleshegine beı-jaı qaramaıtyn árbir azamattyń pikirimen sanastyq. «Syn túzelmeı, min túzelmeıdi» dep jatady. Biz aıtylǵan árbir synnan, pikirden, keńesten nátıje shyǵarý úshin jumys jasadyq. Birlese artqarǵan jumys kóp», - dedi.
Sondaı-aq burynńy qala basshysy qandaı qyzmette bolsa da ózi úshin Qyzylordanyń orny erekshe ekenin atap ótti.
