Qala ákimi Murat Áıtenov kásipkerlik nysannyń ashylýyna qatysyp, naýbaıhananyń áleýetimen tanysty.
Jalpy aýmaǵy 7200 sharshy metr kásipkerlik nysan jańa úlgidegi nan pisirýge arnalǵan zamanaýı tehnologııalarmen jabdyqtalǵan. Basa aıta keterligi, qaladaǵy eń arzan nan osynda óndiriledi. О́ıtkeni, zamanaýı qurylǵylar gazben jumys isteıdi.
Shahar basshysy qazirgi naryqtyq ekonomıkada baǵany turaqtandyratyn osyndaı bastamalar ekenin alǵa tartyp, sala basshylaryna mundaı jobalardy qoldaý kerektigi jóninde tapsyrma berdi. Tipti basqa óńirlerge de úlgi retinde kórsetý qajet.
Sondaı-aq, jańa kásiporyndaǵy nan pisiretin peshter Shymkent qalasynyń óz óndirisi. Qala ákimi kúndelikti tutynatyn qarapaıym zattardyń tolyq ózimizde óndiriletinin aıtyp, bul baǵyttaǵy jumystardyń mańyzdylyǵyna toqtalyp ótti.
Naýbaıhana táýligine qýattylyǵy 90 myń dana nan ónimderiniń túrlerin, onyń ishinde 65 myń dana áleýmettik nan (qalypty bólke nan) ónimderin shyǵaryp jatyr.
