О́ńirlerdegi baıqaýshylar: Referendým zań sheńberinde ótip jatyr

10 ret

kórsetildi

1 mın

oqý úshin

«Referendým – 2026» onlaın-marafony aıasynda Ortalyq kommýnıkasııalar qyzmeti alańynda ótken brıfıng barysynda «DAÝYS» qoǵamdyq baıqaýshylar koalısııasynyń tóraǵasy Tólegen Qunadilov jańa Konstıtýsııany qabyldaý jónindegi referendýmda óńirlerdegi daýys berý barysyn baqylaý týraly aıtyp berdi, dep habarlaıdy Egemen.kz.

Aıana TOǴANBEK

О́ńirlerdegi baıqaýshylar: Referendým zań sheńberinde ótip jatyr

Onyń málimetinshe, bul naýqanǵa óńirlerdegi 9779 ashyq daýys berý ýchaskesine osy úrdistiń mańyzdylyǵyn túsinetin, baıqaýshy retinde óz quqyqtary men mindetterin naqty sezinetin, jaýapkershiligi joǵary ári tájirıbeli adamdar jiberilgen.

«Bizdiń baıqaýshylarymyz búgin tańǵy saǵat 06:00-den bastap barlyq ashyq daýys berý ýchaskelerinde óz jumysyn bastap, qorytyndy hattama alynǵanǵa deıin sonda bolady. О́ńirlerde ahýaldyq ortalyqtar ashyldy. Naqty ýaqyt rejıminde árbir ýchaskedegi jaǵdaıdan habardarmyz. Kúni boıy baıqaýshylarymyzdan kelip túsken aqparatqa sáıkes, barlyǵy zań sheńberinde ótýde.

Referendým komıssııasynyń nemese basqa qatysýshylardyń jumysy boıynsha eshqandaı eskertpe joq. Barlyq daýys berý ýchaskeleri jabylǵannan keıin baıqaýshylarymyz daýystar men bıýlletenderdi sanaý prosesine tolyqqandy qatysady», dedi spıker.