Onyń aıtýynsha 2021 jylǵy sý tasqyny kezeńinde Nur-Sultan qalasy boıynsha 29 sý tasqyny qaýpi bar ýchaske anyqtaldy (2019 jáne 2020 jyldary – 37), ıaǵnı 2019 jáne 2020 jyldarmen salystyrǵanda 8 ýchaskege azaıdy.
«Tabıǵı jáne tehnogendik sıpattaǵy TJ-ǵa den qoıý jaǵdaıynda qala ákimdigi jergilikti aýqymdaǵy TJ-ny joıýǵa arnalǵan is-qımyl josparyn bekitti. Azamattyq qorǵaý organdarynyń quramynda jeke quramnan 700-ge jýyq adam jáne 200-ge tarta tehnıka toby turaqty daıyndyqqa keltirildi», deıdi Esen Baıyrov.
Departament qyzmetkerleri turǵyndarmen úgit-nasıhat jáne aldyn alý jumystaryn júrgizýde, búgingi kúni 16 reıdtik is-shara ótkizildi, jalpy 2000 adamdy qamtýmen 1500-den astam úıdi aralaý júzege asyryldy, 900-den astam usynymdar berildi.
«Nur-Sultan qalasynyń Bilim basqarmasymen birlesip, qardyń erýi jáne muzdyń jarylýy kezeńinde jasóspirimder men balalar arasynda jazataıym oqıǵalardyń aldyn alý maqsatynda qalanyń bilim berý nysandarymen 1500-den astam adamdy qamtıtyn ınteraktıvti sabaq ótkizildi», dedi vedomstvo ókili.
