Prezıdent • 07 Sáýir, 2021

Prezıdent Halyqaralyq yntymaqtastyq jónindegi arnaýly ókilimen kezdesti

43 ret kórsetildi

Qazaqstan Prezıdenti Qasym-Jomart Toqaev Halyqaralyq yntymaqtastyq jónindegi óziniń jańadan taǵaıyndalǵan Arnaýly ókili Erjan Qazyhanovpen kezdesý ótkizdi, dep habarlaıdy Egemen.kz

Memleket basshysy Prezıdent Ákimshiliginiń qurylymynda osy jańa laýazymnyń bekitilýi jahandyq jáne óńirlik kún tártibiniń jyldam ózgerýi kezinde halyqaralyq yntymaqtastyq máselesine el basshylyǵy tarapynan erekshe nazar aýdarylatynyn atap ótti.

Prezıdent Arnaýly ókil qyzmetiniń basty basymdyqtary retinde COVID-19 pandemııasynyń aýyr saldaryn eńserý, ulttyq ekonomıkany jáne áleýmettik salany jedel qalpyna keltirý maqsatynda syrtqy resýrstardy tartý úshin sheteldik áriptestermen tyǵyz baılanystardy arttyrý qajettigine toqtaldy.

Osyǵan baılanysty kezdesýde sıfrlyq jáne jasyl tehnologııalarǵa basa mán berilip, ozyq ınvestısııalyq jobalardy iske asyrýda, kópjaqty qarjy-ekonomıkalyq uıymdarmen yntymaqtastyqty arttyrýda, Dúnıejúzilik saýda uıymy aıasynda jańartylǵan álemdik saýda arhıtektýrasyn qalyptastyrýda Qazaqstannyń belsendi atsalysýy qajet ekenine nazar aýdaryldy.

Sonymen qatar Erjan Qazyhanovqa gýmanıtarlyq sala, klımat dıplomatııasy, sondaı-aq, Qazaqstannyń negizgi syrtqy saıası bastamalaryn ilgeriletý sııaqty halyqaralyq yntymaqtastyqtaǵy mańyzdy mindetter júkteldi.

Joǵaryda atalǵan mindetterdi eskere otyryp, Qasym-Jomart Toqaev «halyq únine qulaq asatyn memleket» tujyrymdamasyn júzege asyrý barysynda otandyq jáne sheteldik zertteý ortalyqtarymen, Qazaqstannyń azamattyq qoǵamymen keri baılanys ornatýdyń mańyzdylyǵyn atap ótti.

Prezıdent Syrtqy ister mınıstri, Prezıdent kómekshisi, BUU jáne EQYU janyndaǵy QR turaqty ókili, Avstrııadaǵy, Ulybrıtanııa men AQSh-taǵy elshi sııaqty jaýapty qyzmetterdegi jumys tájirıbesi E.Qazyhanovqa ózine júktelgen jańa mindetterdi abyroımen atqarýǵa septigin tıgizetinine senim bildirdi.

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar