Ortalyq kommýnıkasııalar qyzmetindegi baspasóz máslıhatynda jýrnalıst Alekseı Soıǵa «Prezıdent Qasym-Jomart Toqaev siz basqaryp otyrǵan vedomstvonyń jumysyn synǵa aldy. Osy oraıda qandaı kemshilikter bolǵanyn atap óte alasyz ba?» degen suraq qoıdy. Bul suraqqa Densaýlyq mınıstri irkilmesten, Memleket basshysy negizgi ekpindi vaksınalaý merzimine qatysty qoıǵanyn aıtty.
«Árıne, el ishine vaksınany jetkizý úshin barynsha kúsh-jigerimizdi salyp otyrmyz. Osy oraıda naryqta barsha vaksına qoljetimsiz bolyp turǵanyn taǵy bir márte atap ótkim keledi. Qazir osy vaksınalar erkin saýdaǵa shyǵarylmaǵan. Bizdiń maqsatymyz – bul vaksınalardyń jetkizilýin barynsha jyldamdatý úshin kez kelgen resýrstardy tabý. Bul jetkizimder boıynsha problemalar bar, alaıda aqpan aıynan bastap Qazaqstanda bar kólemmen vaksınalaýdy bastadyq», dedi mınıstr.
Oǵan qosa, Alekseı Soı vaksına saldyrýdyń nusqaýlyqtary óte durys jasalǵanyn, ıaǵnı qajetti jumystar kezeń-kezeńmen atqarylyp jatqanyn alǵa tartady.
«Qazir halyqtyń senimi artyp, ekpe jasatýǵa nıetti adamdar kóbeıdi. Árıne, vaksınanyń naryqqa erkin shyǵarylmaýy tek Qazaqstan úshin ǵana emes, sonymen qatar bizdiń kórshiles elder úshin de problema bolyp tur. Biz barynsha jyldamdatyp, Memleket basshysynyń tapsyrmalaryn oryndaıtyn bolamyz», dedi A.Soı.
Eske sala keteıik, indetke qarsy is-qımyl jónindegi jıyn barysynda Prezıdent Qasym-Jomart Toqaev Densaýlyq saqtaý mınıstri Alekseı Soıdyń jumysyna kóńili tolmaıtyndyǵyn ashyq jetkizgen edi.
