Foto: gov.kz
Elde sý tasqyny kezeńine daıyndyq aldyn ala bastalǵan. Qazir josparlanǵan sý tasqynyna qarsy is-sharalardyń 92%-y oryndalǵan.
1-naýryzdan bastap Tótenshe jaǵdaılar mınıstrliginiń jedel sý tasqynyna qarsy shtaby jumysqa kirisip, jaǵdaı táýlik boıy baqylaýǵa alynǵan.
О́ńirlerde bógender nyǵaıtý, ózen arnalary tazartý, tereńdetý, drenaj júıeleri men kanaldar jóndeý men sý ótkizý qurylystaryn jańartý syndy aýqymdy jumystar júrgizilgen.
Bul sharalardyń nátıjesinde 234 eldi meken sý tasqynynan qorǵalyp, 736 eldi meken úshin sý basý qaýpi tómendetilgen. Al 1 242 sý tasqyny qaýpi bar eldi mekenniń 272-sinde qaýip áli de seıilmegen.
Ońtústik óńirlerde sý tasqyny qaýpi kezeńi aıaqtaldy. Qazir sý tasqyny qaýpiniń sharyqtaý kezeńi Batys Qazaqstan jáne Aqtóbe oblystarynda saqtalyp tur.
Aqmola, Soltústik Qazaqstan, Qaraǵandy, Shyǵys Qazaqstan, Qostanaı men Abaı oblystaryndaǵy jaǵdaı baqylaýǵa alynǵan.
Naýryz aıynyń basynan beri Abaı oblysynda jeke turǵyn úılerdi sý basýdyń 6 jaǵdaıy tirkeldi. Olar aýa temperatýrasynyń kúrt jylynýy men jaýyn-shashynnyń saldarynan bolǵan. Qazirgi tańda atalǵan jaǵdaıdyń saldary joıylǵan.
Mınıstrlik óńirlerdegi jaǵdaı jerden de, áýeden de baqylaý jalǵasatynyn málimdedi.
