Oqıǵa • 08 Sáýir, 2021

Nazar aýdaryńyz: konkýrs!

225 ret kórsetildi

El gazeti «Egemen Qazaqstan» óziniń jyldaǵy dástúri boıynsha jas jýrnalısterge arnalǵan «Úmit» konkýrsyn jarııalaıdy. Bas basylym báıgesiniń bıylǵy syılyǵy «Táýelsizdik – tuǵyrym» degen taqyrypqa arnalyp otyr. Azattyqtyń araılap atqan aq tańymen birge ómirge de, ónerge de talpynys jasaǵan jastardan jańa sóz kútemiz.

Qatysýshylarǵa sáttilik tileımiz.

Redaksııadan

 

«Egemen Qazaqstan» gazetiniń jas jýrnalısterge arnalǵan «Úmit» konkýrsyna qatysý

EREJESI

 

1. Jalpy erejeler

1.1. Baıqaýdy uıymdastyrýshy – «Egemen Qazaqstan» RG» AQ. Ornalasqan meken­jaıy: Nur-Sultan qalasy, 010000, «Egemen Qazaqstan» gazeti kóshesi 5/13.

1.2. Konkýrstyń maqsaty – jas jýrna­lısterdi kásibı turǵydan yntalandyrý, olardyń kásibı biliktilikterin kóterý.

1.3. «Úmit» konkýrsy jylyna 1 ret, jýrnalısterdiń kásibı merekesine oraı – 7-10 sáýir aralyǵynda jarııalanady.

1.4. Konkýrsqa 18 ben 35 jas araly­ǵyn­daǵy jýrnalıster qatysa alady.

1.5. Úmitkerlerdiń materıaldary konkýrs jarııalanǵan kúnnen bastap, 1 aı mer­zim ishinde qabyldanady.

1.6. Konkýrstyń taqyryby jyl saıyn ózgerip turady jáne ony «Egemen Qazaqstan» RG» AQ redaksııa alqasy bekitedi.

1.7. Konkýrsqa kelip túsken materıaldardy «Egemen Qazaqstan» gazetiniń redaksııa alqasynan quralǵan komıssııa (budan ári – konkýrstyq komıssııa) baǵalaıdy.

 

2. Konkýrsqa qatysý sharty

2.1. Konkýrsqa «Egemen Qazaqstan» gaze­tinde jáne Egemen.kz saıtynda ja­rııa­lanǵan habarlandyrýda usynylǵan ta­qyrypqa sáıkes keletin taqyryp aıasynda jazylǵan jáne «Úmit» konkýrsyna» degen aıdar qoıylǵan materıaldar qabyldanady.

«Úmit» syılyǵy bıyl «Táýelsizdik – tu­ǵyrym» degen taqyryp aıasynda sońǵy otyz jyldyń eń eleýli kezeńderin qozǵaýy tıis.

2.2. Konkýrsqa arnalǵan materıaldar Times New Roman 14 shrıftimen 1,5 ın­tervalynda jazylyp, kólemi 3,5 betten aspaýǵa tıis. Sapaly sýretterimen jiberilse, quba-qup.

2.3. Konkýrsqa jiberilgen materıaldar men sýretter buryn basqa basylymdarda jarııalanbaǵan bolýy kerek. Bul oraıdaǵy jaýapkershilik avtorǵa júkteledi.

2.4. Konkýrsqa arnalǵan materıaldar info@egemen.kz elektrondy baılanys jelisine «Úmit» konkýrsyna» degen aıdarmen jiberilýi qajet.

 

3. Konkýrs qorytyndysy

3.1. Konkýrstyq komıssııa konkýrs qo­rytyn­dysyn materıal qabyldaý aıaqtal­ǵan kúnnen bastap, 1 (bir) apta ishinde shyǵarýǵa mindetti.

3.2. Konkýrstyq komıssııanyń sheshimine sáıkes, 1, 2, 3-oryndar júldeli oryn re­tinde belgilenedi. Olardyń árqaısysyna: 1-orynǵa – 300 000 teńge, 2-orynǵa – 200 000 teńge, 3-orynǵa – 150 000 teńge aqshalaı syılyq jáne arnaıy kádesyılar tapsyrylady;

Qosymsha yntalandyrý syılyǵy Kon­­kýrstyq komıssııanyń usynysymen ta­ǵaıyn­dalýy múmkin.

3.3. Konkýrs jeńimpazdary jýrnalıs­terdiń kásibı merekesi qarsańynda marapattalady.

Marapattaý rásimi ótetin oryn qosymsha jarııalanady.

 

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar