Aımaqtar • 08 Sáýir, 2021

Jambyl oblysynda eńbekaqy daýy jolǵa qoıyldy

36 ret kórsetildi

Jambyl oblysynda búginde eńbekaqy daýy jolǵa qoıylyp, jyl basynan beri 108,1 teńge jalaqy qaryzdary óndirilgen. Oblystyq eńbek ınspeksııasy basqarmasynyń basshysy Qaırat Dosaevtyń aıtýynsha, bul somma bıylǵy jyldyń basynan eńbek ınspektorlarymen anyqtalǵan 733 jumyskerge tıesili eńbekaqy eken. Ol eńbek daýlary men narazylyqtar negiz bolatyn birden bir sebep – jalaqynyń  ýaqytyly tólenbeýi ekenin aıtty.

«Bıylǵy jyldyń qańtar-sáýir aılarynda oblystaǵy eńbek qatynastarynyń ahýaly turaqty bolyp, eńbek shıelenisteri tirkelgen joq. Degenmen, jekelegen kásiporyndarda jumyskerlerdiń tarapynan jalaqyny kóterý máselesine qatysty áleýmettik jeliler, ujymdyq aryzdar arqyly óz talaptaryn bildirý faktileri «Jambyl sement óndiristik kompanııasy» jaýapkershiligi shekteýli seriktestiginde jáne «Qazaqtelekom» aksıonerlik qoǵamynyń oblystyq fılıalynyń Talas, Qordaı jáne Taraz bólimshelerinde oryn alǵan. Bul máselelerge qatysty jumyskerlermen tıisti túsindirme jumystary júrgizilip, jumyskerlerdiń talaptary ishinara qanaǵattandyryldy», deıdi Qaırat Áskerbekuly. Bıylǵy jyldan bastap respýblıkalyq úshjaqty komıssııa sheshimimen «Eńbek táýekel kartasy» apta saıyn monıtorıngten ótkizilip, turaqty baqylaýǵa alynǵan. Bul baǵytta basqarmamen oblystyń «Ystyq núkte» kartasy ázirlenip, oǵan eńbek daýlary týyndaý qaýpi bar 45 engizilip, turaqty túrde jumystar júrgizilip otyrady.

«Bıyl aımaqta eńbek ınspektorlarymen jeke jáne zańdy tulǵalardyń 300 aryz-shaǵymy qaralypty. Ol boıynsha 20 tekserýler ashylyp, eńbek zańnamasyn buzýdyń 16 faktisi anyqtalǵan. Al, jalpy sommasy 889,7 myń teńgeni quraıtyn 7 aıyppul salynsa, oryndalýy mindetti 9 nusqama berilgen. Budan bólek, tekserister ashpaı, jumys berýshi men jumyskerdi tabystyrý sharalary arqyly 14 jumyskerdiń máselesi oń sheshimin tapty», deıdi basqarma basshysy. Inspeksııa tarapynan áleýmettik-eńbek salasyn sıfrlandyrý, ıaǵnı E-HR júıesine eńbek sharttaryn engizý jumystary júzege asýda. Búginde oblysta 10 048 kásiporyn jumys istep tur. Onyń búgingi kúnge 5651-inde 189 178 jumyskerdiń eńbek sharttary elektrondy formatqa aýystyrylǵan.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar