Tımýr qurastyrǵan beıneler ishinde Dımash Qudaıbergen, Freddı Merkıýrı, Ilon Mask, Imanbek Zeıkenov, Tom Krýz, Lıonel Messı, Skrıptonıt, Gennadıı Golovkın, Habıb Nurmagomedov, taǵy da basqa tanymal tulǵalar bar.
– Alǵash ret 7 jasymda rýbık kýbıgin qurastyrýǵa qyzyǵa bastadym. Internetten vıdeolardy qarap otyryp úırendim. Al kýbıkterden portret jasaýdy osy jyldyń basynda meńgerdim. Internetten ýkraınalyq balanyń dál osylaı portret jasaǵanyn kórip, qyzyǵýshylyǵym oıandy. Men de solaı istep kórgim keldi. Bul maǵan esh qıyndyq týdyrǵan joq, – deıdi Tımýr.
Portrettiń bir qyryn qurastyryp shyǵýǵa 10-14 sekýnd jumsasa, tolyq portretti qurastyrýǵa eki saǵat ýaqyt jumsaıdy eken. «Bastapqyda fotony Photoshop baǵdarlamasyna salyp, ony belgili bir pıkselde rettep, sosyn baryp qurastyramyn» deıdi.
Qazirge deıin kýbıkten jınalǵan sýretterdi kórgen Imanbek, Dımash Qudaıbergenniń anasy Sveta Aıtbaeva, «Halyk Bank» AQ ujymy habarlasyp, kommentarıı jazyp, alǵystaryn bildirgen.
Tımýrdyń ata-anasy fotograf bolyp jumys isteıdi. Bul da onyń shyǵarmashylyq turǵydan damı túsýine yqpal etkeni sózsiz. О́zi keleshekte baǵdarlamalaýshy bolǵysy keledi. Sol armanyna jetý úshin arnaıy kýrsqa da qatysyp júr. Odan bólek dzıýdo seksııasy men aǵylshyn tili kýrsynyń da turaqty shákirti.
– Rýbık kýbıginen portret qurastyrý – men úshin hobbı. Osy jumysty istep, Instagramda kópshilik kóńilinen shyǵyp jatqanyma qýanamyn. Qanshama adamnyń alǵysy men tilegi meni shabyttandyra túsedi, – deıdi jas talant.
