Prezıdent • 09 Sáýir, 2021

Prezıdent ǵarysh salasynyń mamandaryna rızashylyǵyn bildirdi

16 ret kórsetildi

Búgin «Baıqońyr» ǵarysh aılaǵynda Iý.Gagarınniń ǵaryshqa alǵashqy ushýynyń 60 jyldyǵyna arnalǵan saltanatty májilis ótti. Bul týraly Prezıdenttiń baspasóz hatshysy Berik Ýálı Facebook-tegi paraqshasynda jazdy, dep habarlaıdy Egemen.kz.

Memleket basshysy Qasym-Jomart Kemeluly osy aıtýly oqıǵaǵa baılanysty quttyqtaý joldady. Prezıdenttiń quttyqtaý hatyn Úkimet basshysy Asqar Mamın oqyp berdi.

«Qurmetti ǵarysh salasy mamandary jáne ardagerler! Sizderdi alda kele jatqan kásibı merekelerińiz – Ǵaryshkerler kúnimen quttyqtaımyn!

60 jyl buryn adamzat tarıhynda erekshe mańyzy bar aıtýly oqıǵa boldy. Ǵarysh keńistigine janqııarlyqpen túren salyndy.  Keńes ǵaryshkeri Iýrıı Alekseevıch Gagarınniń kók júzine samǵap, aspan álemine alǵash jol ashýy búkil álemdik ǵylymnyń aıryqsha serpinmen qaryshtap damýynyń jarqyn kórsetkishine aınaldy. Bul teńdessiz tarıhı qadam bizdiń elimizde, Qazaqstannyń qasıetti topyraǵynda jasaldy.

65 jyldan beri álemdegi eń iri ǵarysh aılaǵy bolyp sanalatyn «Baıqońyrdan» osy ýaqytqa deıin 150 ǵaryshker kókke kóterilip, ǵalamnyń sheksiz keńistigin baǵyndyryp qaıtty. Olardyń qatarynda qazaq ǵaryshkerleri Toqtar Áýbákirov, Talǵat Musabaev jáne Aıdyn Aıymbetov bar.

Ǵalymdar men konstrýktorlardyń, synaqshylar men ınjenerlerdiń eren eńbegisiz ǵaryshty ıgerý múmkin emes. Osyǵan oraı, ǵarysh salasynyń mamandary men ardagerlerine shynaıy rızashylyǵymdy bildiremin. Sizderdiń kásibı biliktilikterińiz ben adal eńbekterińizdiń  arqasynda zamanaýı ǵarysh salasy búgingi tańda laıyqty damyp keledi.

Qazaqstan men Reseıdiń belsendi ári jemisti yntymaqtastyǵy ǵaryshty zertteý jáne ǵaryshqa ushý salasyndaǵy birlesken jobalar men baǵdarlamalardy júzege asyrýǵa múmkindik beretinine senimim mol.

Saltanatty jıynǵa qatysýshylarǵa zor densaýlyq, baq-bereke jáne jańa tabystar tileımin!» delingen quttyqtaýda. 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar