Týrızm • 11 Sáýir, 2021

Ortalyq Azııadaǵy eń iri «Kerýen-saraı» týrıstik kesheni ashyldy

51 ret kórsetildi

10 sáýirde Túrkistan qalasynda Ortalyq Azııadaǵy eń iri «Kerýen-saraı» kópfýnksıonaldy týrıstik kesheniniń ashylý rásimi ótti, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Investısııalyq jobany «Turkistan Tourism City» kompanııasy iske asyrdy, keshen qurylysy 2019 jyly jeltoqsan aıynda bastaldy. Nysan Qoja Ahmet Iаsaýı kesenesine qarama-qarsy «Áziret Sultan» mádenı qoryǵynyń býferlik aımaǵynda 20,5 ga aýmaqta ornalasqan.

1

Munda 4 myńnan astam turaqty jumys orny quryldy. Keshenge Jibek joly dáýirindegi saýdagerler men qolónershiler kóshesi, «ushatyn teatr», at shoýyn ótkizýge arnalǵan amfıteatr, Shyǵys bazary, saýda sóreleri men býtıkter, qonaq úıler men meıramhanalar, SPA jáne fıtnes-ortalyq, kınoteatr, otbasylyq oıyn-saýyq ortalyǵy kiredi. Bul rette, barlyq qurylymdar sý arnasy arqyly baılanystyrylǵan, onda sýdaǵy «qaıyq sherýi» teatrlandyrylǵan shoý ótkiziledi. 

1

«Kerýen-saraı» kesheniniń Ortalyq Azııada balamasy joq jáne ol Qoja Ahmet Iаssaýı kesenesinen keıin óńirge týrıster men ınvestısııalardy tartatyn basty ortalyqqa aınalýy tıis.
«Kerýen-saraı» kesheniniń ashylý saltanatyna Premer-Mınıstr Asqar Mamın, Túrkistan oblysynyń ákimi О́mirzaq Shókeev, Mádenıet jáne sport mınıstri Aqtoty Raıymqulova, sondaı-aq ınvestor kompanııanyń ókili Qýanyshbek Qudaıbergen qatysty.

Budan bólek, A. Mamın Túrkistandaǵy Qazaq mýzykalyq drama teatryna bardy. Ǵımarattyń jalpy aýdany 11 myń sharshy metrden asady. Bul asa jańa jabdyqtarmen jáne teatr jumysyna qajetti barlyq bólmelermen jabdyqtalǵan zamanaýı keshen. Kórermender zalynyń syıymdylyǵy 510 adamdy quraıdy.

Sondaı-aq Úkimet basshysy oblystyq ǵylymı-ámbebap kitaphanamen tanysty. Bul aqparat pen shyǵarmashylyqqa arnalǵan biregeı hab. Ǵımarattyń úsh qabaty oqý zaldary, kovorkıng-ortalyqtary, foto-, beıne- jáne aýdıojazba, kallıgrafııa, qysh óneri stýdııalary, sheberhanalar, onyń ishinde 3D-modelderdi jasaýǵa arnalǵan sheberhanalar, sondaı-aq kınokonsert zaly, kofehanalar, kitap kádesyılary men qoldan jasalǵan buıymdar dúkenderi qamtylǵan zonalarǵa bólingen.

1

Kitaphananyń ǵylymı-zertteý ortalyǵynda kitap saqtaý qoımasy, sırek kezdesetin kitaptar men kóne zamanǵy qoljazbalardy saqtaýǵa arnalǵan bólim, qujattardy, kitaptardy sıfrlandyrý jáne konservasııalaý sehtary, onyń ishinde Ortalyq Azııadaǵy totyǵýǵa qarsy jabdyqpen jabdyqtalǵan birden-bir seh bar. Jumys sapary aıasynda Premer-Mınıstr sondaı-aq Túrkistan qalasynda basqa da ınvestısııalyq jobalardyń iske asyrylý barysyn tekserdi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar