1. Rýbe qalasy, Fransııa
Belgııamen shekarada ornalasqan kishkene qalashyqta úıler baǵasy - 1€. Baǵdarlama maqsaty: qala ómirin jandandyrý. Kemshilikteri: úıdi óz qarajatyńyzǵa qalpyna keltiresiz jáne 5 jyl kóleminde ony satýǵa bolmaıdy.
2. Kobrıdj, Anglııa
Staffordshır jomarttyq aksııasynyń maqsaty: úılerge ekinshi ómir berip , qalany jańartý. Kobrıdj qalasynda 1€ turatyn on shaqty úı bar. Dese de, 1€ - bul tek bastapqy salym. Kelisimshartta úı ıesi 30 myń fýnt sterlıng kóleminde nesıe alýy kerek nemese úıdi qalpyna keltiretin qarajaty bar ekeni jóninde dáleli bolýy qajet. 5 jyl ishinde úıdi satýǵa tyıym salynady.
3. Lıverpýl, Anglııa
Satylatyn úıler Enfıld aýdanynda ornalasqan. Baǵdarlama maqsaty: eski úılerdi jańartý, qalypqa keltirý. Satylym aldynda qala bıligi úılerdi jóndeýden ótkizetin bolady. Aıta keterligi usynys tek Lıverpýl turǵyndaryna ǵana arnalǵan.
4. Karrega-Lıgýre, Italııa
Karrega-Lıgýre basshylary aýdannyń bosap qalýyn aldyn alatyn joba oılap tapqan. Bul adam eń az turatyn aýdandardyń biri. Esesine, ekologııasy tamasha. Baspanany tek ekologııalyq materıaldardy qoldaný arqyly qalypqa keltirý kerek. Jáne burynǵy túrin ózgertýge tyıym salynǵan.
5. Hokkaıdo araly, Japonııa
Hokkaıdo aralynyń basshylary jerdi tegin taratýda. Bir ǵana shart: 3 jyl ishinde sol jerge óz úıińdi salyp, resmı túrde turaqtaý kerek. Jáne 2 aıdyń ishinde jóndeý jumystaryn bastap ketýińiz qajet.
6. Lechche-neı-Marsı, Italııa
Qalashyqta úılerdi 1€-ǵa satyp jatyr. Jergilikti mekenge tirkelý shart emes. Alaıda notarıýstyń barlyq shyǵyndaryn óteısiz, jáne de rekonstrýksııa jobasyn daıyndaısyz.
7. Rappottenshteın, Aýstrııa
Bul eldi meken soltústik Aýstrııada ornalasqan. Halyq sany kúrt azaıǵan eldi meken basshylary 2009 jyly jerdi tegin bere bastady. Tek 10 jyldyń ishinde otbasyly bolýy qajet. Biraq 3 jyldyń ishinde jerdiń jańa ıeleri úı salýǵa mindetti. Olaı bolmaǵan jaǵdaıda, 12 myń € kóleminde aıyppul tóleıtin bolady.
8. Gandjı, Italııa
Tarıhı shahardyń halyq sany azaıyp jatyr, sondyqtan, bul jaqta úıler 1€-ǵa satylady. Kúrdeli jóndeýdi qajet etetin úılerdi tegin , al jaǵdaıy jaqsy úılerdi 100$-ǵa satyp jatyr. Aıta keterligi, úılerdiń jaǵdaıy óte nashar. Satyp alýshy jóndeý jumystaryn óz qaltasynan júrgizetin bolady. Oǵan qosa, qujattardy rásimdeý 6000 € turady.
9. Shan de Bıýl, Fransııa
388 turǵyny bar eldi mekende jer 1 sharshy metri 1€-ǵa satylady. О́kinishtisi, satyp alýshynyń mindetti túrde balasy, otbasy bolýy tıis. Ult pen azamattylyq mańyzdy emes.
