Vedomstvonyń baspasóz qyzmeti Jedel járdem stansııasy ákimshiliginiń ótinishi boıynsha quqyq qorǵaý organdary tekserý júrgizgenin málim etti.
«Jospardan tys túgendeý barysynda qosalqy stansııalarda dári-dármekter men medısınalyq buıymdardyń jetispeýshiligi jáne normadan kóp ekeni anyqtaldy. Mysaly, maska, qorǵanys ekran, rezeńke etik jáne basqasy. Mán-jaıdy obektıvti tekserý úshin jedel járdem stansııasy ákimshiligi aqparatty tıisti organdarǵa jiberdi. Tekserý jáne tergeý nátıjeleri boıynsha sharalar qabyldanady», dep habarlady vedomstvadan.
Sonymen qatar, jedel járdem stansııasynda qyzmetkerlerge jalaqy tóleý boıynsha keshigýler joq ekeni aıtyldy.
Aıta keteıik, Almaty qoǵamdyq densaýlyq saqtaý basqarmasynyń ókili Svetlana Sultanǵazıeva onlaın brıfıngte prokýratýra jedel járdem jumysyndaǵy zańbuzýshylyqtarǵa baılanysty isti tergep jatqanyn aıtqan edi.
