Dóńgelek ústelde sóz sóılegen Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev sońǵy jyldary turǵyn úı qurylysynda oń dınamıka baıqalyp otyrǵanyn atap ótti.
«2020 jyldyń qorytyndysy boıynsha elimizde 15,3 mıllıon sharshy metr turǵyn úı salyndy. Onyń qurylysyna salynǵan ınvestısııa 2019 jylmen salystyrǵanda 33,6 paıyzǵa ósip, 2 trıllıon teńgeni qurady», dedi Qaıyrbek О́skenbaev.
Alaıda, Senat depýtaty Álimjan Qurtaev bul salada memlekettik baǵdarlamalar sátti iske asyrylyp jatqanymen, olar áli kúnge deıin aýyl turǵyndary úshin qoljetimsiz ekenine nazar aýdardy.
«Jalpy sońǵy jyldary turǵyn úı salasyna qatysty memlekettik baǵdarlamalar birshama nátıjeli iske asyrylýda. Degenmen, aýyl turǵyndaryn baspanamen qamtamasyz etetin bólek baǵdarlama kerek. О́ıtkeni qazirgi qoldanystaǵy turǵyn úı baǵdarlamalaryn aýylda júzege asyrýǵa múmkindik joq», dedi Álimjan Qurtaev.
Sondaı-aq, ol josyqsyz qurylys salýshylardyń úlestik turǵyn úı qurylysyna qatysty zańnamany buzýy ózekti problema ekenin aıtty. О́tken eki jylda osyndaı 123 kompanııa anyqtalǵan. Osyǵan oraı senator bul máseleni sheshýdiń jolyn usyndy.
«Qarjy jaǵynan turaqsyz kompanııalar sapaly jáne arzan turǵyn úı salamyz dep ýádeni úıip-tógip, ártúrli kooperatıvter, odaqtar, jarnalar arqyly halyqtyń salymdaryn ashyq túrde tartady. Biraq turǵyn úı qurylysynyń aıaqtalýyna eshkim kepildik bermeıdi. Sondyqtan halyqtyń úlestik salymdaryn tartýǵa quqyly qurylys kompanııalarynyń qarapaıym, ashyq jáne túsinikti reıtıngin ázirleýdi usynamyz. Sonyń aıasynda qarjy deńgeıi turaqty kompanııalar úshin kepildendirýdiń qoldanystaǵy tetigi saqtalady», dedi Álimjan Qurtaev.
