Aımaqtar • 14 Sáýir, 2021

Indetten saqtyq qana qutqarady

32 ret kórsetildi

О́tken aptadan bastap Qyzylorda koronavırýs ınfeksııasynyń taralýy jaǵynan «sary aımaqtaǵy» óńirler qataryna qosyldy. Osyǵan baılanysty oblys ákimi Gúlshara Ábdiqalyqova jedel shtab otyrysyn ótkizip, indetpen kúresti kúsheıtý baǵytynda atqarylǵan jumystardy saralady.

Sýretti túsirgen Erlan OMAR, «EQ»

– Qazir aımaqta kúnnen-kúnge epıdemııalyq jaǵdaı kúr­de­lenýde. Táýligine 40-tan astam derek tirkelip, jappaı qaıta juqtyrý qaýpi óte joǵary bolyp tur. О́tken aptadan bastap oblys «sary aımaqqa» ótti, bul bizge qatań sharalar qabyldap, jyldam áreket etý qajettigin kórsetip otyr, – dedi oblys ákimi.

Shtab otyrysynda oblystyq bas memlekettik sanıtarııalyq dáriger Dınara Jańabergenova indetpen aýyrǵan azamattardyń úlestik kórsetkishi týraly aıtyp, karantındik shekteýlerge sáıkes algorıtmdik tártipte bekitilgen jumystardy sarala­dy. Sondaı-aq qoǵamdyq ta­maq­­­ta­ný, kópshilik baratyn nysan, áleýmettik qyzmet etetin me­ke­­melerde saqtyq sharalaryn kúsheıtý baǵytynda qaý­ly­ǵa sáıkes atqarylatyn ju­mys­tar­dy atap ótti. Oblysta ko­­ro­navırýs ınfeksııasyn zert­­teý­ge ar­nal­ǵan 10 zerthana ju­­mys is­teıdi. Osy zerthanalar ar­­­­qyly ótken jyldan beri
279 622 synama alynǵan. Aýrýǵa shal­­­dyqqandardyń jas shamasy ár­túrli bolyp otyr, 20 men 69 jas aralyǵyndaǵy azamattar arasynda indet juqtyrý jıilep tur.

Oblystyq densaýlyq saqtaý bas­qarmasynyń basshysy Sábıt Pa­zylov medısınalyq uıym­dar­dyń daıyndyǵyn baıandap, vak­­sınalaýdyń negizgi kór­set­­kishterine toqtaldy. О́ńir­de vak­sı­­nalardy saqtaıtyn 18 to­ńa­zyt­qysh jáne 179 termokon­teı­ner jumys isteıdi. Ekpege 14 kabınet ázirlenip, 133 meıirbıke jáne 89 dýbler jumys isteýde. Aldaǵy ýaqytta qosymsha qala­da­ǵy «Temirjol» emhanasy, «Senim», «Intertıch» klınıkalary, «Qyzylorda oblystyq keńes be­rý dıagnostıkalyq ortalyǵy» jáne «Araı sıtı» saýda úıinen egý pýnkteri ashylmaq.

Búginde aımaqqa jetkizilgen
27 200 vaksınanyń barlyǵy medı­sınalyq mekemelerge tara­tylyp berildi. Onyń I kompo­nenti 10 678 adamǵa salynsa, II komponentinen 3 371 turǵynǵa ekpe jasaldy. Jıynda oblystyq medısınalyq jáne farmasevtıkalyq qadaǵalaý depar­tamenti basshysynyń minde­tin atqarýshy Ǵalıma Ázirova dári-dármek qoryn molaı­tý, dá­ri­ler baǵasyna monıtorıng júr­gizý baǵytyndaǵy shara­lar jaı­ly esep berdi. Al oblys­tyq po­lısııa departamenti basty­ǵy­nyń birinshi orynbasary Sham­shı­dın Ámıtov qoǵamdyq oryn­­darda shoǵyrlandyrý derek­te­rin boldyrmaý boıynsha atqa­ry­l­ǵan jumystardy baıandady. Ha­bar­la­malardan keıin oblys ákimi dári-dármek qoryn jasaqtaý ba­ǵy­tynda jumysty úılestirip, dá­ri­hanalardaǵy qordyń turaqty baqylaýǵa alynýy qajettigin eske saldy.

Oblys ákimi jedel shtab otyrysynan keıin Tákeı Esetov atyndaǵy №264 mektepke baryp, bilim oshaǵyndaǵy karatındik ta­laptardyń oryndalýyn baqy­la­dy. Osy oqý jylynda mektepte 3 602 oqýshy bilim alýda. Epıdemııalyq ahýalǵa baılanys­ty 624 oqýshy dástúrli,  2 978 bala onlaın formatta oqyp jatyr. Aımaq basshysy oqý­shy­lar arasynda karantındik talap­tardyń qatań saqtalýyn baqy­laýǵa alyp, saqtyq shara­la­ryn qatańdatý qajet­tigin aıt­ty. Sondaı-aq aldaǵy ke­zeń­­de oqý prosesin onla­ın ba­ǵyt­ta úılestirýdi tap­syr­­dy. Munan keıin oblys áki­mi me­dı­­sınalyq nysandardy ara­lap, birqatar dárihanaǵa arna­ıy bardy. №6 qalalyq emhana janyndaǵy oblystyq vaksına qoımasynyń, koronavırýs ınfeksııasyna qarsy ekpe jasaıtyn kabınetterdiń jumysyn tek­serip, turǵyndarmen sóılesti.

– Indet tolyǵymen joıylǵan joq. Búginde búkil álem vaksınalaý ǵana bárimizge úırenshikti ómirge oralýǵa múmkindik beretinin túsindi. Osyǵan baılanysty bar­lyq ımmýnoprofılaktıka má­se­leleri boıynsha halyqpen júr­giziletin aqparattyq-túsindirý ju­mystaryn kúsheıtýimiz qajet, – dedi G.Ábdiqalyqova.

Sondaı-aq oblys ákimi A.Toq­ma­ǵanbetov kóshesinde orna­lasqan «№1 dárihana», «Doktor Plıýs», «Evrofarma» dáriha­na­la­ry­nyń jumysyn kórdi. Oblysta dári-dármek qoryn qalyptastyrý maqsatynda jergilikti bıýdjetten 488 mln teńge bólinip otyr. Sonyń 281,2 mln teńgesine 17 farmasevtıkalyq uıym arqyly preparattar alyndy. Sonyń biri Abaı dańǵyly boıynda or­na­las­qan Lab Servicy company ıe­li­gindegi «Ansar» dárihanalyq jelisi. Oblys basshysy óńirde 14 jelisi bar kompanııa basshysyna dárilik zattardyń qoryn qa­lyptastyrý baǵytyndaǵy ju­mys­ty kúsheıtýdi júktedi.

Medısınalyq nysandardy aralaǵannan keıin oblys ákimi densaýlyq saqtaý basqarmasynyń basshysy Sábıt Pazylov pen ob­lystyq bas memlekettik sanı­tarııalyq dáriger Dınara Jańa­ber­genovaǵa jedel áreket etý al­gorıtmine sáıkes halyqtyń saq­­tyq sharalaryn saqtaýyn qa­da­­ǵalaý men vaksınalaý aıasyn ul­ǵaıtyp, mobıldi dárigerler ju­mysyn jandandyrýdy tapsyrdy.

 

Qyzylorda oblysy

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar