Esterińizge sala keteıik, 9 sáýir kúni balyqtardyń qyrylýy Samal saıabaǵy aýdanyndaǵy Ertis ózeniniń arnasynda tirkelgen. Bólim mamandary Balyq sharýashylyǵy ınstıtýty, Balyq ınspeksııasy, Tabıǵı resýrstardy basqarý jáne Veterınarlyq ınspeksııa qyzmetkerlerimen birge oqıǵa ornyna bardy.
Osyǵan qatysty «Balyq sharýashylyǵy ǴО́O» JShS-niń Altaı fılıaly, ShQO Tabıǵı resýrstar jáne tabıǵat paıdalanýdy retteý basqarmasynyń Orman jáne ańshylyq sharýashylyǵynyń jedel qımyl jasaǵy jáne Zaısan-Ertis oblysaralyq basseındik balyq sharýashylyǵy ınspeksııasynyń qyzmetkerleri sol jerge baryp tekserý júrgizdi. О́zennen 30 keli balyq jınalǵan. Sondaı-aq taldaý júrgizý úshin sý men balyqtan synama alyndy.
«Balyq sharýashylyǵy ǴО́O» JShS Altaı fılıalynyń 13 sáýirdegi №01-037/49 hattamasyna sáıkes torta, taban, alabuǵa balyqtarynyń qyrylǵandyǵy anyqtaldy. Al balyq ólikteri arasynan móńke tabylmaǵan. Bıologııalyq taldaý nátıjeleri boıynsha balyqtarda syrtqy jáne ishki zaqymdanýlar bolǵan joq. Ishki organdary patologııalyq ózgerissiz», delingen ShQO boıynsha Ekologııa departamenti taratqan málimette.
Sondaı-aq hımııalyq taldaýǵa sáıkes, ózende aýyr metaldar kórsetkishiniń asýy anyqtalmaǵan. Qysta gıdrologııalyq deńgeıge baılanysty (0,4 – 0,6 m) sý qatyp, nátıjesinde balyqtar qyryldy. Ihtıologtardyń pikirinshe, bul tabıǵı prosess.
Eske sala keteıik, buǵan deıin Ertiste balyqtar qyrylyp jatqandyǵy týraly jazǵan bolatynbyz.
