Elorda • 14 Sáýir, 2021

Bıyl Nur-Sultanda 7 myń úlesker baspanaly bolady

12 ret kórsetildi

Nur-Sultan qalasynyń ákimi Altaı Kólginov Instagram paraqshasynda bıyl qurylysy uzaqqa sozylǵan birneshe úı qoldanysqa beriletinin málim etti, dep habarlaıdy Egemen.kz.

«Qurylysy uzaqqa sozylǵan ár nysan birneshe kóppáterli turǵyn úı keshenderinen turady, bul jumys kólemin edáýir arttyrady. Al ár obektide júzdegen úlesker bar. Búgin «Baǵystan» jáne «Altyn shar 2» nysandaryna bardym. Onda 1112 úlesker baspana kútip otyr. Qabyldanǵan sharalardyń nátıjesinde bul úılerdiń qurylysy qaıta bastaldy. Degenmen qurylys qarqyny tıisti deńgeıde júrgizilip jatqan joq. Sondyqtan úılerdi paıdalanýǵa berý kestesin jańartýdy, qurylys qarqynyn arttyrýdy tapsyrdym. Barlyq kedergiler alyndy, birqatar másele sheshildi, endi qurylys kompanııasy jumys qarqynyn údetý qajet. Bul eki turǵyn úı kesheniniń qurylysyn bıyl aıaqtap, paıdalanýǵa berýdi josparlap otyrmyz», dep jazdy ákim.

Onyń aıtýynsha, «Baǵystan» turǵyn úı kesheni boıynsha aýqymdy jumystar atqarylǵan.

«Investorlardy tartyp, syrtqy jáne ishki ınjenerlik jelilerdi iske qosyp, «GLB» úı qurylysy kombınatynyń jumysyn qaıta jandandyrdyq. Sondaı-aq jol salyndy, baǵdarshamdar ornatyldy jáne t. b. jumystar qolǵa alyndy.«№1, 3» pozısııalarda vıtrajdar, terezeler ornatyldy, ınjenerlik jeliler tartyldy (sý, elektr, jaryq, káriz). «№1» pozısııa boıynsha jumysshylar ishki árleýge kiristi. Osy aıda atalmysh pozısııa boıynsha kiltterdi berýdi tapsyrdym. Al qalǵan pozısııalardy osy jyldyń sońyna deıin aıaqtaýdy tapsyrdym. Aýa raıy jaqsaryp keledi, sondyqtan aýmaqty abattandyrýǵa kirisýdi tapsyrdym.

«GLB» úı qurylysy kombınatynyń máselesin sheshý «Altyn shar» turǵyn úı kesheniniń qurylysyn qaıta jandandyrýǵa kómektesti. Aldymen «Altyn shar 2», sodan keıin «Altyn shar 3» keshenin tapsyramyz.

ÚQK nesıe berýshiler men kásiporyn qyzmetkerleri aldynda shamamen 600 mln teńge qaryzy bolǵan. Memleket qabyldaǵan sharalardyń arqasynda qaryzdar ótelip, zaýyttyń jumysy qaıta jandandy. Bul sharalardyń barlyǵy úleskerlerge kópten kútken páterlerin tapsyrý úshin qabyldandy. Sonymen qatar ÚQK áleýmettik turǵyn úı qurylysyna da qatysyp jatyr.

Memleket basshysynyń tapsyrmasy boıynsha uzaq qurylystar boıynsha júıeli jumystar júrgizilýde. Bir jarym jyl ishinde uzaq qurylys sany eki eseden astam azaıdy. Osy jyly kópten kútken páterlerdiń kiltin taǵy 7 myń úleskerge berýdi josparlap otyrmyz», dep jazdy elorda ákimi.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar