Koronavırýs • 14 Sáýir, 2021

Adamzat soǵystan emes ınfeksııadan kóp zardap shekti – ǵalym

33 ret kórsetildi

Almaty qalasynyń óńirlik kommýnıkasııalar qyzmeti alańynda ótken júzdesýde Klınıkalyq jáne fýndamentaldy medısına akademıgi, Asfendııarov atyndaǵy QazUMÝ epıdemıologııa kafedrasynyń jáne Qazaq medısınalyq úzdiksiz bilim berý ýnıversıtetiniń professory Sáken Ámireev koronavırýspen aýyryp-jazylǵan turǵyndardy koronavırýsqa qarsy vaksına alýǵa shaqyrdy, dep habarlaıdy Egemen.kz.

Ǵalymnyń sózinshe, ekpe almaıynsha adamdardyń «ımmýndyq áseri» álsiz bolady. Al ekpeden soń azamattardyń 95%-ynda koronavırýsqa qarsy tura alatyn ımmýnıtet qalyptasady.

«Vaksınalar Reseıde nemese Qazaqstanda, ıaǵnı qaı jerde óndirilgenine qaramastan, jaqsy ımmýndyq áserge ıe, sondyqtan bizdiń mindetimiz – halyqqa vaksınasııadan qoryqpaý kerektigin túsindirý. Sebebi búkil álemde ujymdyq ımmýnıtetti tek vaksınasııa arqyly qalyptastyra alamyz», dep atap ótti Sáken Ámireev. Spıker ózi de vaksınanyń birinshi komponentin alǵanyn jáne odan keıin eshqandaı janama áser baıqamaǵanyn, alaıda onyń jubaıynda vaksınasııadan keıin jeńil álsizdik beleń alǵanyn aıtty. Professordyń paıymynsha, ár organızm ár túrli, sondyqtan keıbir janama áserlerdiń paıda bolýy qalypty qubylys.

«О́kinishke qaraı, áli de vaksınanyń tıimdiligine senbeıtinder kóp.Tarıhqa júginsek, sheshekke qarsy vaksına jasaý kezinde de oǵan qarsy shyqqandar bolǵan. Alaıda, jappaı vaksınasııanyń arqasynda ǵana sheshek aýrýyn jeńý qoldan keldi. Vaksınasııaǵa senimsizdik tanytý jasandy túrde qoldan jasalyp otyr. Biz bul máselege órkenıetti túrde qaraýymyz kerek jáne adamzat soǵysqa qaraǵanda, ınfeksııalardan jappaı qyrylǵanyn umytpaǵanymyz jón. Mysaly, biz týberkýlezdi menıngıtke qarsy BSJ vaksınasyn qoldanamyz, ol aǵzany ınfeksııanyń ózinen emes, aýrýdyń aýyr saldarynan qorǵaıdy. Ázirge bizde vaksınasııadan basqa koronavırýstan qorǵanýdyń tıimdi ádisi joq», deıdi Ámireev.    

Professor, júrgizilip jatqan egý naýqanyna qaramastan, betperde rejimi men qorǵanýdyń basqa da ádisterin saqtaýdy ujymdyq ımmýnıtet qalyptasqanǵa deıin jalǵastyrý kerek dep esepteıdi. Sonymen qatar, koronavırýspen aýyryp-jazylǵan adamdar vaksınasııa alýdy keshiktirmeýi kerek, óıtkeni olardyń antıdeneleri vaksınasııa alǵannan keıingideı  kúshti bolmaıdy. «Shyndyǵynda, basqa aýrýlarmen aýyrǵan  adamdarda ımmýnıtet qalyptasady, biraq koronavırýs jaǵdaıynda olaı emes. KVI aýrýynan keıin jaqsy ımmýnıtet qalyptaspaıdy. Kóptegen qazaqstandyqtar aýyr formasymen aýyrdy, bul klınıkalyq turǵydan dáleldendi. Mundaı adamdar qaıtadan juqtyrýlary múmkin, olardyń ınfeksııadan keıingi qorǵanys antıdeneleri álsiz keledi. Olarda jad jasýshalary qalyptasady, biraq sonymen birge antıdeneler azaıady. Ázirge búkil álemdik qaýymdastyq vaksınany eki ret engizý kerek degenge toqtady. Sondyqtan, keri tartyp ekpe saldyrýdy kesheýildetýdiń esh qajeti joq», deıdi Sáken Ámireev.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar