Ádebıet • 14 Sáýir, 2021

Oqýshyǵa kórkem ádebıetti oqytýdyń joly qandaı?

642 ret kórsetildi

Búgin «Bilimniń altyn kópiri» atty onlaın rejımde ótken respýblıkalyq telekópir barysynda «Oqýǵa qushtar mektep» jobasy talqylanyp, mektep jasyndaǵy balalardyń oqýyna arnalǵan kórkem ádebıettiń mınımaldy tiziminiń jasaqtalý barysy tanystyryldy, dep habarlaıdy Egemen.kz

Bilim alýshylar arasynda kitap oqý mádenıetin qalyptastyryp, álem ádebıetiniń qazaq tilinde qoljetimdi bolýyna jaǵdaı jasaý úshin Bilim jáne ǵylym mınıstrligi osy jobany bekitip otyr.

Is-sharaǵa «Oqýlyq» RǴPO dırektory Eldos Nurlanov, BǴM Mektepke deıingi orta bilim berý komıtetiniń bas sarapshysy Madına Eginbaeva, QR Ulttyq akademııalyq kitaphana bóliminiń basshysy Sáýlesh Nazırova jáne ár aımaq muǵalimderi men kitaphanashylary qatysty.

Mektep oqshylaryna arnalǵan kórkem ádebıet tizimin jasaqtaýdyń maqsaty – ár oqýshy men ata-anaǵa ádebıet álimi boıynsha baǵyt berý, sol arqyly Qazaqstan azamatyna qajetti áleýmettik mańyzdy qasıetter men quzyrettilikti darytý.

Tizimge elimizdiń úzdik klassıkteriniń shyǵarmalary, qazaq tiline aýdarylǵan álem ádebıeti jaýharlary, sonymen birge qazirgi zaman aqyn-jazýshylarynyń 250 kitaby engen.

Jıyn barysynda «Oqýlyq» RǴPO dırektory Eldos Bolathanuly tizim jasaqtaýdyń barysyna, kórkem ádebıetti oqýdyń mańyzyna toqtaldy.

– Mátindi oqý jáne túsiný sapasyn baǵalaıtyn PIRLS–2016 halyqaralyq zertteýiniń nátıjesi boıynsha qazaqstandyq oqýshylar bastaýysh synyptan bastap ádebıtke qaraǵanda, aqparattyq mátindi kóbirek oqıtyny anyqtaldy. Al álemdik tájirıbeni alsaq, onda jetkinshekter áýeli kórkem ádebıetti, keıin aqparattyq mátinderdi oqıdy. Bul olqylyqtyń ornyn toltyrý úshin jasóspirimder arasynda kórkem ádebıetti keńinen nasıhattaý jumysy jolǵa qoıyldy. Budan bólek, kórkem ádebıet tizimi «Tolyq adam» konsepsııasyn júzege asyratyn mańyzdy ıdeologııalyq quraldyń biri bolyp tabylady, – dedi E.Nurlanov.

Onyń aıtýynsha, 250 atalymnan turatyn tizimdi jasaqtaý barysynda «Oqýlyq» RǴPO 2000 jyldan bergi Ulttyq kitap palatasynda (UKP) tirkelgen búkil ádebıettiń tizimin alyp, onyń ishinen kórkem ádebıetke jatpaıtyndaryn alyp tastap, kitaphanalyq jáne baspalyq júıege saı suryptaǵan. Kórkem ádebıetti shyǵaratyn baspalarǵa suratý joldap, qorda bar kitaptar jaıly málimetti jınastyryp, ortaq tizimdi qurastyrǵan. Sonymen qatar tizim jasaqtaýdaǵy halyqaralyq jáne otandyq tájirıbeni zerttegen. Atalǵan tizim QR Ulttyq akademııalyq kitaphana mamandarymen birneshe ret talqylanǵan. Qazaq tili men ádebıet páni muǵalimderiniń, mektep kitaphanashylarynyń, buqaralyq kitaphana mamandarynyń, ádebıettanýshylar men jazýshylardyń pikiri eskerilgen.

Aıta keterligi, kórkem ádebıetti oqý arqyly túrli qasıet pen daǵdy qalyptasady. Máselen, keıipkerdiń jan-dúnıesin túsiný, janashyrlyq tanytý, jazýshy álemin túrli tarıhı jáne geografııalyq turǵyda qabyldaý arqyly kúızelis pen qaıǵyny sezinip, rýhanı tazarady. Aqyl-oıy kemeldenip, túrli emosııany sezinedi eken.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar