Is-shara aıasynda áıelderdi zorlyq-zombylyqtan qorǵaý bólimshesiniń qyzmetkerleri «Mega Silk Way» SOO-da qala turǵyndary men qonaqtary arasynda túsindirý jumystaryn júrgizdi. Sonymen qatar olar neke men otbasyn saqtaý, sondaı-aq erli-zaıyptylar arasyndaǵy qarym-qatynastardy túzetý jáne kámeletke tolmaǵan balalardy tárbıeleý jónindegi ata-ana mindetterin tıisinshe oryndaý máselelerinde quqyqtyq, psıhologııalyq kómek kórsetti.
Azamattarǵa áıelder men balalarǵa qatysty zorlyq-zombylyq jáne kemsitýshilik máseleleri boıynsha jáne turmystyq zorlyq-zombylyq qurbandarynyń is-qımyl algorıtmin túsindirý boıynsha broshıýralar men býkletter taratyldy.
«Nur-Sultan qalasynyń polısııa departamenti «Zorlyq-zombylyqsyz úı» atty aksııasyn ótkizip jatyr. Bul aksııanyń maqsaty otbasylyq qundylyqtardy nasıhattaý jáne adam quqyqtaryn qurmetteý bolyp sanalady. Otbasy — qoǵamnyń uıashyǵy. Al baqytty otbasy — baqytty el. Qurmetti áıelder qaýymy, eger siz turmystyq zorlyq-zombylyqqa ushyraǵan bolsańyz, bul týraly dereý «102» arnasyna nemese Nur-Sultan qalasy Polısııa departamentiniń áıelderdi zorlyq-zombylyqtan qorǵaý jónindegi bólimshesiniń senim telefonyna 71 60 63 habarlaýyńyzdy suraımyz. Sizge tıisti kómek kórsetiledi», dep atap ótti Polısııa departamentiniń Áıelderdi zorlyq-zombylyqtan qorǵaý tobynyń aǵa ınspektory polısııa maıory Gúlmıra Shyrahmetova.
