Aımaqtar • 14 Sáýir, 2021

Jarlyny baılanys jelisimen jarylqady

142 ret kórsetildi

Qaraǵandy oblysynyń Jarly aýylyna joǵary jyldamdyqty ınternet tartyldy. Bul týraly «Qazaqtelekom» AQ qoǵammen baılanys jónindegi qyzmeti habarlady.

Atalǵan eldi meken oblys ortalyǵynan 255 shaqyrym shal­ǵaıda ornalasqanyn eskersek, aýyl halqy uzaq jyldan beri sapaly ınternetten tarshylyq kórip keldi. Ulttyq operatordyń aqparatyna súıensek, alǵash ret Jarlyǵa ınternet 2015 jyly EV-DO tehnologııasy arqyly tar­tylǵan edi. Alaıda onyń jyl­damdyǵy 512 kılobıt sekýnd­tan ary aspaı, ony tek 1189 aýyl tur­ǵynynyń 12-si ǵana paıdalanǵan.

«Búginde EV-DO tehnologııa­sy eskirgen, al onyń kóptegen bólshegi qazir shyǵarylmaıdy. In­ternet jyldamdyǵynyń tó­men­digine qaramastan, bul qyz­metke aýyl turǵyndarynyń su­ranysy joǵary edi. Sol se­bepti aýyldaǵy ınternetke qa­tysty máseleni retteý úshin oń­taıly sheshim qabyldaý kerek boldy», dedi «Qazaqtelekom» AQ Ortalyq О́TD V2S segmentiniń kommersııalyq dırektory Damır Seısenbekov.

Byltyr ulttyq baılanys operatorynyń fılıaly Jarly eldi mekenin radıokópir tehnologııasy arqyly 12 Mbıt/s deıingi jyldamdyqty ınternetpen qamtamasyz etý jóninde tehnıkalyq sheshim ázirlep, qazir «Qazaqtelekom» alǵashqy 100 abo­nentti sapaly ınternetke qosyp úlgerdi. Nátıjesinde halyq bar­lyq zamanaýı telekommýnıkasııa qyzmetin, onyń ishinde onlaın sabaq, beıneqońyraý jáne basqa da qyzmet túrlerin paıdalaný múmkindigin aldy.

«Buryn tek habarlama ǵana joldaı alatynbyz. Foto jáne beınerolıkterdi júk­teý qıynǵa soǵatyn. Taıaýda «Qazaqtele­komnyń» qyzmetin qostyq, sol ar­qyly áleýmettik jelilerdi paıdalanýdy úırendim. Qazir Telegram nemese Zoom arqyly qazaqtyń ulttyq qol óneri bo­ıyn­sha sheberlik sabaqtaryn kó­rip júrmin. Súıikti isim tabys áke­letin bolsa, bul men úshin ba­qyt», dedi Jarly aýylynyń tur­ǵyny Kúljan Aldasheva.

Sonymen qatar aýdandyq ákim­dikterdiń qoldaýymen Qa­ra­ǵandy oblysynyń 30 aýylyna joǵary jyldamdyqty mo­bıldi ınternetti paıdalanýǵa múmkindik beretin qondyrǵy ornatyldy. Bul rette atalǵan óńirdiń eldi me­kenderine joǵary jyl­damdyqty ınternetti tar­týǵa Aýyldyq eldi mekenderge talshyqty-optıkalyq baıla­nys jelisiniń (AEM TOBJ) qury­lysyna baılanysty jalpy­ulttyq joba septigin tıgizgenin aıta ketken oryndy. Osy joba óńirdiń 36 aýylyndaǵy 120-dan astam memlekettik mekemeni (ákim­dikter, mektepter, aýrýhanalar, polısııa bólimsheleri) 10-nan bastap 100 Mbıt/s deıingi jyl­damdyqtaǵy ınternetpen qam­tamasyz etýge múmkindik ber­di. Atalǵan eldi mekenderdegi úı sharýashylyqtarynyń telekommýnıkasııa qyzmetterine qosylý sany 4 myńǵa deıin ósken.

«AEM TOBJ», «250+» GPON tehnologııasy, radıoqosylý jobalary arqyly qalalar men aýyl­­dar arasyndaǵy sıfrly teń­sizdikti joıý baǵytyndaǵy bas­ty mindetti sheship kelemiz. Endi Jarl­y aýylynyń turǵyndaryna da iri qalalardaǵy sekildi tele­kom­mýnıkasııa qyzmetteri qol­jetimdi. Halyqqa anyqtama jáne basqa da qujattar alý úshin aýda­n ortalyǵyna barýdyń qajeti joq. Onyń barlyǵyn qashyqtan alýǵa múmkindikteri bar», dedi D.Seısenbekov.

Qurylǵan jelilik ınfraqury­lymnyń negizinde  mobıldi operatorlar, «250+» jobasy aıasynda Qaraǵandy oblysyndaǵy 85 aýyldy keń jolaqty mobıldi ınternetke qosty. Al FTTH jáne GPON tehnologııasy arqyly Qaraǵandy, Jezqazǵan, Balqash, Shahtınsk, Temirtaý qalalary men Osakarov kentiniń 50 myń­nan astam turǵyny sıfrly ınfraqurylymǵa qol jetkizdi. Oblystyń taǵy eki qalasynda, atap aıtqanda, Saran jáne Abaıda jańa jelimen 508 kóp páterli úıdi qamtý josparlanyp otyr.

Sońǵy jańalyqtar

Aısberg aqıqaty

Ádebıet • Búgin, 23:17

Joq kitapty izdeý

Ádebıet • Búgin, 23:15

Krest-kedergi...

Ádebıet • Búgin, 23:12

Golovkın kimdi kútip júr?

Sport • Búgin, 23:06

Aǵaıyndar azamattyq ala almaı júr

Qazaqstan • Búgin, 23:04

Bala ómiri bárinen qymbat

Qoǵam • Búgin, 23:02

Aqyl sýaty men sezim qýaty toǵysqanda

Ádebıet • Búgin, 22:59

Zaısanda mal qyrylyp jatyr

Aımaqtar • Búgin, 22:54

Shańyraq – «shaǵyn otanyń»

Qazaqstan • Búgin, 22:43

Atyraýda meıramhana otqa orandy

Aımaqtar • Búgin, 19:40

Túrkmenstannan 256 qandas kóship keldi

Aımaqtar • Búgin, 18:06

Elimizde baspana baǵasy turaqtandy

Qoǵam • Búgin, 17:56

Nur-Sultan-Pavlodar tas joly aqyly bolady

Aımaqtar • Búgin, 16:34

DDU basshysy vaksına saldyrtty

Álem • Búgin, 13:41

Uqsas jańalyqtar