Aımaqtar • 16 Sáýir, 2021

Soltústikte sý deńgeıi kóterilip keledi

1 ret kórsetildi

Soltústik Qazaqstannyń sý qoımalaryndaǵy sý deńgeıi sońǵy kezderi qatty kóterilip keledi, dep habarlaıdy Egemen.kz.

Keshe Sergeev sý qoımasyndaǵy plotınadan sý 119 santımetrge kóterilgen. Al sýdyń jalpy kólemi boljam boıynsha 840 mln tekshe metrdeı bolyp otyr. Aldynda, bir táýlik qana buryn osy qoımadaǵy sýdyń deńgeıi 50 sm-diń tóńireginde edi.  Mundaǵy sý deńgeıiniń eń joǵary kóterilgeni 2017 jyly 336 sm-di kórsetken. Al Petropavlda Esildiń deńgeıi Sergeevkaǵa qaraǵanda kóp tómen. Sonymen qatar Imanburlyq, Aqanburlyq, Qamysaqty, Shaǵalaly sııaqty shaǵyn ózenderdiń de sý deńgeıi turaqty, keıbireýinde tipti tómen túsý baıqalýda.

Qazir Soltústik Qazaqstan oblystyq TJD qyzmetkerleri barlyq apatqa daıyn bolý baǵytynda ózderiniń jumystaryn óristetýde. Olardyń baqylaýyna qaraǵanda keıbir kólderde áli de qar erı qoımaǵan. Mundaılar Esil, Tımırıazev, Shal aqyn aýdandaryndaǵy úlken kólderde baıqalady.

Al TJ Departamentiniń bastyǵy Ramıl Kamalov jumys saparymen oblystyń Ýálıhanov aýdanyna baryp, osy aýdan aýyldaryndaǵy sý tasqynyna qarsy is-sharalarmen tanysty. Bul aýdannyń turǵyndary birneshe ret sý tasqynyna tap boldy jáne sý tasqyny degen ne ekenin óz tájirıbesinen biledi. Sondyqtan aýdan aýmaǵyndaǵy osy tabıǵı qubylysqa qatysty jaǵdaı jergilikti atqarýshy organdardyń, SQO TJ Departamentiniń turaqty baqylaýynda.

Ramıl Kamalov Qulykól aýyldyq okrýginde Ýálıhanov aýdanynyń ákimi Qaırat Pshenbaevpen birge bolyp, Sileti ózeniniń arnasynda ornalasqan «Eki kóz», 13 terezeli «Álki» jáne 5 terezeli «№33» gıdrotehnıkalyq qurylystaryn tekserdi. Sondaı-aq, Qaratal selosynyń tóńiregindegi qalpyna keltirilgen topyraq úıindilerin aralap, beriktigine kóz jetkizdi.

Jergilikti atqarýshy organdardyń jáne SQO TJ departamentiniń kúshteri men quraldarynyń jedel ázirligin tekserý sheńberinde sý tasqyny kezeńinde TJ joıýǵa arnalǵan tehnıkany qaraý ótkizildi. Sapar barysynda Departament bastyǵy tek ýaqtyly qabyldanǵan sharalar ǵana halyqty senimdi qorǵaýǵa, yqtımal TJ-nyń damýyna jol bermeýge qabiletti ekenin atap ótti. «Eń bastysy - sý tasqyny qaýpin azaıtyp, aýyldardyń qalypty tirshiligin qamtamasyz etý», dedi Ramıl Fatkýllauly.

Aýdan ákimi Qaırat Pishenbaev ta halyqtyń sý tasqynyna qarsy kúreske daıyn ekendigin aıtty. Olar jergilikti kúshterdi daıyndyq sapyna qoıyp, TJD qyzmetkerlerimen birlesip tasqynǵa qarsy kúreske daıyn tur eken. Qazir osy aýdanda buryn oblystan jiberilgen TJD toby jumys isteıdi, onyń quramynda jeke quramnan 15 adam, 3 birlik tehnıka, júzý jáne sý aıdaý quraldary bar. Olar ózenniń 3 gıdrotehnıkalyq qurylystaryna («Jyra», «Segizkóz», «Ekikóz») turaqty monıtorıng júrgizedi, muz keptelisiniń aldyn ala otyryp, olardy muzdan tazartady.

Jalpy, qazir oblystyń 4 aýdanynda (Ýálıhanov, Tımırıazev, Aıyrtaý jáne Ǵ.Músirepov) TJD jeke quramynan 49 adam, 10 birlik tehnıka, júzý quraldary men motopompalardan turatyn toptar jumys isteıdi. Toptyń jeke quramyn bólý ótken jyldardyń taldaýyn eskere otyryp, sý tasqyny qubylystaryna neǵurlym beıim oryndarda – Rýzaevka jáne Chıstopole selolaryna jaqyn Aqan – Burlyq, Sharyq jáne Jembaraq ózenderi, Jembaraq jáne Esil, Ǵ.Músirepov aýdanyndaǵy Toqsan bı selosy mańynda, Aıyrtaý aýdany Konstantınovka selosynyń mańyndaǵy Babyq-Burlyq ózenderiniń ýchaskelerinde júrgizildi. Olardyń maqsaty - osy qıyn kezeńde jergilikti atqarýshy organdarǵa kómek kórsetý, eldi mekenderdi osyndaı qaýipti stıhııalyq qubylystyń saldarynan qorǵaý. Jeke quram sý tasqyny jaǵdaıyna, sý basqan aýmaqtardan sýdy sorýǵa, ózen arnalary men muz keptelisterin tazalaýǵa monıtorıng júrgizedi.

Sońǵy jańalyqtar

Aısberg aqıqaty

Ádebıet • Búgin, 23:17

Joq kitapty izdeý

Ádebıet • Búgin, 23:15

Krest-kedergi...

Ádebıet • Búgin, 23:12

Golovkın kimdi kútip júr?

Sport • Búgin, 23:06

Aǵaıyndar azamattyq ala almaı júr

Qazaqstan • Búgin, 23:04

Bala ómiri bárinen qymbat

Qoǵam • Búgin, 23:02

Aqyl sýaty men sezim qýaty toǵysqanda

Ádebıet • Búgin, 22:59

Zaısanda mal qyrylyp jatyr

Aımaqtar • Búgin, 22:54

Shańyraq – «shaǵyn otanyń»

Qazaqstan • Búgin, 22:43

Atyraýda meıramhana otqa orandy

Aımaqtar • Búgin, 19:40

Túrkmenstannan 256 qandas kóship keldi

Aımaqtar • Búgin, 18:06

Elimizde baspana baǵasy turaqtandy

Qoǵam • Búgin, 17:56

Nur-Sultan-Pavlodar tas joly aqyly bolady

Aımaqtar • Búgin, 16:34

DDU basshysy vaksına saldyrtty

Álem • Búgin, 13:41

Uqsas jańalyqtar