Medısına • 16 Sáýir, 2021

Tutynýshy úshin dárilik nusqaýlyqtardyń túsinikti bolýy mańyzdy

7 ret kórsetildi

Dárilik zattar men medısınalyq buıymdardy medısınalyq qoldaný jónindegi nusqaýlyqtardyń aýdarmasy – tutynýshy úshin dárilik preparat týraly mańyzdy aqparat kózi.

Byltyr Dárilik zattar men medısınalyq buıymdardy saraptaý ulttyq ortalyǵynda 100 myńnan astam paraq memlekettik tilge aýdarylǵan jáne sáıkestik turǵysynan tekserilgen, bul aldyńǵy jylmen salystyrǵanda 23%-ǵa kóp. Onyń 45 myńnan astamy – nusqaýlyqtar aýdarmasy.

Qazaqstanda árbir dárilik zattyń qazaq jáne orys tilderinde tolyq sıpattamasy bolýy kerek ekeni belgili, óıtkeni ol pasıentti preparat týraly: quramy, shyǵarylý túri, qoldanylýy, qarsy kórsetilimderi, dozalaý rejımi, basqa dárilermen ózara árekettesýi jáne t.b. jóninde qajetti aqparatpen tanystyratyn mańyzdy qujat.

Dárilik zattar men medısınalyq buıymdardy saraptaý ulttyq ortalyǵy qazaqstandyq naryqqa kelip túsetin dáriler men medısınalyq buıymdardy medısınalyq qoldaný jónindegi nusqaýlyqtardy memlekettik tilge aýdarý jáne zańnamamen reglamenttelgen nusqaýlyqtar, qaptama maketteri, zattańbalar, stıkerler, jarnamalyq materıaldar aýdarmalarynyń sáıkestiligin tekserý qyzmetterin saraptama sheńberinde oryndaıtyn elimizdegi birden bir uıym bolyp tabylady.

«Dárilik nusqaýlyq pasıent úshin durys qabyldanǵan preparattyń emdik ásermen qamtamasyz etýiniń jáne ony densaýlyǵy men ómirine tónetin qolaısyz zardaptardan saqtandyrýynyń kepili bolyp tabylady. Sondyqtan nusqaýlyq mátini tek medısınalyq qyzmetkerge ǵana emes, sondaı-aq árbir pasıentke túsinikti bolý úshin onyń aýdarmasy óte sapaly bolýy tıis. О́ıtkeni, preparattyń ańdatpa-mazmunynda qatelik oryn alǵan jaǵdaıda pasıentterdiń óte kóp aýqymy zardap shegýi múmkin, óz kezeginde, bul ulttyq qaýipsizdik máselesi», dep atap ótedi DZSUO bas dırektorynyń dárilik zattar jónindegi orynbasary Baıan Moldahmetova.

Dárilik preparattar nusqaýlyqtarynyń mazmuny preparattyń ózin medısınalyq qoldaný barysynda ózgerýi múmkin ekenin eske salamyz. Sonymen, elimizde tirkelgen dárilik zattar búkil tirshilik aınalymy boıyna qaýipsizdik monıtorınginen ótkiziledi. Basqa preparattarmen ózara árekettesýi kezinde buryn nusqaýlyqta kórsetilmegen jaǵymsyz reaksııalar nemese emdik áseri anyqtalǵan jaǵdaıda der mezgilinde ózektilendirý úshin qoldanystaǵy nusqaýlyqtarǵa ózgerister engizilýi tıis.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar