53 kılo salmaqtaǵy Asylzat Saǵymbaı koreıalyq Oh Hııýnıýng pen ózbekstandyq Shahnozahýn Mahmýdovadan ótip, jartylaı fınalda taıpeılik Meng Sýan Sıenge ese jiberdi. Endi Asylzat qola medal úshin talasady.
57 kılo salmaqtaǵy Altynaı Satylǵan saıysqa tústi. Ol koreıalyq Lı Shınhý jáne sıngapýrlyq Danıele Chıng Lımdi jeńgeinmen jartylaı fınalda mońǵolııalyq Batseseg Altansesegten aılasyn asyra almady. Altynaı da úshinshi oryn úshin kúresedi.
62 kılo salmaqta Irına Kýznesova boz kilemge shyqty. Ol Ońtústik Koreıanyń ókili Kvon Iýnjındi utqanymen, Qyrǵyzstannyń maqtanyshy Aısulý Tynybekova jáne Mońǵolııanyń myqtysy Boltortýıa Hýrelkýýge jol berdi. Sol sekildi 72 kılo salmaqtaǵy Jamılıa Baqbergenova da birde utylyp, birde utty. Olardyń ekeýiniń de jeńis tuǵyryna kóterilýine múmkindikteri bar.
Al 65 kılo salmaqta Gaýhar Muqataı taıpeılik Ksın Peng Paı men úndistandyq Saqshy Málikten oısyraı utylyp, jarys jolynan shyǵyp qaldy.
