2021 jylǵy 15 sáýirdegi jaǵdaı boıynsha turǵyn úı jaǵdaıyn jaqsartý maqsatynda BJZQ 1,08 trln teńgeden astam qarajatty qazaqstandyqtardyń operator-bankterdegi arnaıy shottaryna aýdardy, 216 860 ótinish oryndaldy.
Sonymen birge, qazaqstandyqtardyń birjolǵy zeınetaqy tólemderin ýaqtyly paıdalanbaýyna baılanysty ýákiletti operatorlardan salymshylardyń jeke zeınetaqy shottaryna (JZSh) 73 mıllıard teńgeden astam qarajat qaıtaryldy.
Qazaqstandyqtardyń emdelýine shamamen 4,2 mıllıard teńge aýdaryldy, 4 335 ótinish oryndaldy. Emdeý úshin ortasha tólem shamamen 1 mıllıon teńgeni quraıdy. Bul rette ýákiletti operator BJZQ-daǵy (Otbasy Banki) salymshylardyń esepshottaryna 586 mıllıon teńgeni qaıtaryp berdi. Sondaı-aq, BJZQ-ǵa jınaqtalǵan qarajatty ınvestısııalyq portfeldi basqarýshyǵa berý týraly 1436 ótinish kelip tústi, onyń ishinde jalpy somasy 2,3 mlrd teńgege 947 ótinim oryndaldy. Ortasha aýdarym somasy shamamen 2,4 mln teńgeni quraıdy.
