Álem • 18 Sáýir, 2021

Sheteldik basylymnan

27 ret kórsetildi

Nazarlaryńyzǵa sheteldik basylymdardaǵy aıtýly oqıǵalardy usynamyz.

Pákistan áleýmettik jelilersiz qaldy

Pákistan úkimeti el aýmaǵynda Facebook, Twitter sııaqty birqatar áleý­mettik jelini ýaqytsha buǵattady. Bul áreketin bılik eldegi shıelenispen baılanystyrdy.

«Qoǵamdyq qaýipsizdikti qamta­ma­syz etý maqsatynda birqatar áleýmettik jeli buǵattaldy. Bul ýaqytsha ekenin eskertemiz», dedi eldegi Baılanys mınıstrligi.

Ishki ister mınıstrligi (IIM) bolsa Facebook, Twitter, YouTube, WhatsApp, Telegram men TikTok platformalary eldegi jalpulttyq qozǵalysty basý úshin qabyldanyp otyrǵan shara deıdi. IIM jalpyulttyq qozǵalys dep ótken aptada Terık-ı-Labbaık partııasynyń kóshbasshysyn qamaýǵa alǵannan keıin týyndaǵan shıelenisti meńzep otyr. Par­tııa basshysy tutqyndalǵannan keıin eldegi azamattar Fransııaǵa qatysty na­ra­zylyǵyn bildirdi.

Bir aptaǵa jalǵasqan shıeleniste 4 polısııa qyzmetkeri kóz jumǵan desedi. Oǵan qosa 600 azamat jaraqat alyp, onyń 200-i aýyr halde aýrýhanaǵa jetkizilgen.

Jalpy, Pákistanda Fransııaǵa qarsy narazylyqtyń týyndaýyna jyl basynda Muhammed (s.a.s) Paı­ǵambar beınelengen karıkatýranyń jarııa­lanýy sebep boldy. Sýret úlken daý tý­ǵy­zyp, arty narazylyqqa ulasty. Bul ush­qyn Fransııa prezı­denti Emmanýel Ma­kronnyń karıka­týrany jarııalaǵan basylymdy qoldaýynan keıin úlken agressııa bolyp tutandy.

Pákistandaǵy Fransııa elshiligi eldegi barlyq Fransııa azamatyn olardyń qaýipsizdigi úshin ýaqytsha Otanyna qaıtýǵa shaqyrdy.

Endi Pákistan úkimeti narazy­lyqty báseńdetý úshin áleýmettik jeli­lerdiń jumysyn toqtatýǵa májbúr­miz dep aqtalady. Pákistan­dyq­tar bolsa, bılikti Fransııa tarapyn qoldap otyr dep aıyptaýda.

Halyqaralyq uıymdar únsiz qal­ǵanymen, áleýmettik jelidegi quqyq boıynsha jumys júrgizetin Digital Rights Foundation qoǵamdastyǵy mun­daı áreket kıkiljińdi odan saıyn órshitpese, oń nátıje bermeıdi degen pikir aıtty.

  

Danııa bas tartqan vaksınaǵa suranys bar

Buǵan deıin habarlanǵanyndaı, Danııa AstraZeneca kompanııasy daıyn­daǵan koronavırýske qarsy vaksına adam qanyn uıytyp, kisi ólimine alyp kele­di degen tujyrym jasap, atalǵan vak­sınadan alǵash bolyp bas tartty. Odan keıin kórshiles Norvegııa da osy tu­jyrymdy rastap, indetke qarsy bas­qa vaksına izdeıtinin habarlaǵan-dy.

Keıin Danııa úkimeti 200 myń doza­nyń satyp alynǵanyn málimdedi. Kóp uza­maı DDU-nyń Eýropadaǵy dırek­to­ry Hans Klıýg Danııanyń basqa el­der­ge vaksına bólip bere alatynyn jetkiz­di.

«Danııa Syrtqy ister mınıstri vak­sınany basqa eldermen bólise ala­ty­nyn aıtty. Biz bul isin quptaı­myz», dep maquldady DDU ókili. Al qan­nyń uıýyna qatysty másele bo­ıynsha «Vak­sına vırýske qarsy tura alady. Al qan vırýs juqtyrǵan jaǵ­daıda da uıýy múm­kin» dep jaýap berdi.

Sonymen, jańalyq jarııalana sala Chehııanyń densaýlyq saqtaý mınıstri Jan Hamasek vaksınaǵa qyzyǵýshylyq tanytatynyn bildirdi. «Shyny kerek, vaksınany álem boıynsha izdep jatyr­myz. Al eger Danııa bólisemin dese, biz satyp alýǵa nıettimiz», dedi mınıstr.

Odan keıin Lıtva úkimetiniń basshy­sy Inrıda Sımonıt Vılnıýstiń de vak­sına satyp alǵysy keletinin jetkizdi. Kóp uzamaı Latvııa Densaýlyq saqtaý mınıstri Danıel Pavlýtýs «Danııamen vaksına máselesin talqylaǵymyz ke­ledi» degen habarlama jiberdi. Osy­laı­sha, az ýaqyt ishinde Eýropanyń bir­qa­tar memleketi odaqtastarynan indet­ke qar­sy vaksına satyp alýǵa nıetin bildirdi.

Degenmen vaksına satýǵa Eýro­pa Odaǵy ruqsat berýi ekitalaı. О́ıt­keni elder arasyndaǵy vaksına saý­dasy halyqaralyq qurylymnyń baqy­laýyn­da. Alaıda aýmaqta vaksına tap­shy­lyǵy áli de bar. Sońǵy málimet bo­ıyn­sha Eýro­pa elderine 2,6 mlrd doza vak­sına qa­jet eken.

 

Daıyndaǵan

Svetlana ǴALYMJANQYZY,

«Egemen Qazaqstan»

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar