Gúlzarlar aýmaǵy 77%-ǵa ulǵaıady: Bıyl Almatyda qandaı gúlder egiledi?

10 ret

kórsetildi

1 mın

oqý úshin

«Eco Almaty» JShS 2026 jyly qalany gúl ekpelerimen kógaldandyrý jáne bezendirý jumystaryn baqylaýǵa alady. Mekeme málimetinshe, josparlanǵan aýmaq 387 myń sharshy metrdi quraıdy. Onyń ishinde: 107 myń sharshy metrge birjyldyq gúlder, 280 myń sharshy metrge kópjyldyq gúlder men butalar, sondaı-aq 116 myń sharshy metrge raýshan gúlderi egiledi. Nátıjesinde 2025 jylmen salystyrǵanda gúlzarlar aýmaǵy 77%-ǵa ulǵaıady, dep habarlaıdy Egemen.kz.

Baıan SÚLEIMENQYZY

Gúlzarlar aýmaǵy 77%-ǵa ulǵaıady: Bıyl Almatyda qandaı gúlder egiledi?

Maýsymǵa daıyndyq jumystary Eco Almaty jylyjaıda gúl ósiretin jergilikti kásipkerlermen birlese júrgizilip jatyr. Sarapshy-agronomdar Almatynyń kontınenttik klımatyna beıimdelgen ósimdikterdi tańdap, salvııa, tagetes, ageratým, alternantera sııaqty ystyqqa tózimdi gúlderdi otyrǵyzýdy josparlap otyr. Bul gúlder jazǵy aptapqa tózimdi ári jergilikti aýa raıyna jaqsy beıimdelgen.

Kóktemgi maýsymǵa daıyndyq qys aılarynan bastalyp, úzdiksiz júrgiziledi. Dástúr boıynsha kógaldandyrý erte kóktemgi gúl egýden bastalady. Naýryz merekesi qarsańynda qala prımýlalarmen bezendirilip, merekelik atmosfera qalyptasady.

Almaty Kremnıı alqabyna aınala ma?

Maýsym boıy Almatynyń barlyq aýdanynda kilem úlgisindegi gúl kompozısııalary, sondaı-aq saıabaqtar men skverlerdegi jańartylǵan gúlzarlar qala kelbetin kórkeıtip, turǵyndar men qonaqtarǵa erekshe kóńil-kúı syılaıdy.