Aımaqtar • 19 Sáýir, 2021

Beıbit Atamqulov jumys saparymen Jambyl oblysyna bardy

7 ret kórsetildi

Indýstrııa jáne ınfraqurylymdyq damý mınıstri Beıbit Atamqulov jumys saparymen Jambyl oblysyna keldi. Ol aımaq basshysy Berdibek Saparbaevpen birge «Merki-Shý-Býrylbaıtal» avtojolynyń qurylys ýchaskelerin aralap, Shý aýdany ákimdiginde arnaıy keńes ótkizdi, dep habarlaıdy Egemen.kz.

Basqosýda «Qazavtojol» AQ oblystyq fılıalynyń basshysy Aıjan Týǵanova habarlaǵandaı, respýblıkalyq mańyzy bar «Merki-Shý-Býrylbaıtal» avtojolynyń 262 shaqyrymyn qaıta jańǵyrtýdyń bas merdigerleri – «Sın-Sın» qurylys jáne damytý jónindegi Qytaı kompanııasy» JShS jáne «ABK Avtodor-NS» JShS. Tapsyrys berýshi – «QazAvtoJol» Ulttyq kompanııasy» AQ. Joba boıynsha qıyrshyq tasty-mastıkalyq asfaltbeton tóseý jumystary qarastyrylǵan. Qurylystyń aıaqtalý merzimi – 2022 jyl.

Merdiger kompanııalar qurylys-montaj jumystaryn 2019 jyldyń sáýir aıynan bastap júrgizýde. Búgingi tańda jeti mıllıon tekshe metrden astam jol tósemi tóselinip, 250 sý ótkizý qubyry salynǵan. Bir baǵyt boıynsha 173 shaqyrym jol tósemi tóselinip, 20 kópir men jol ótkelderiniń qurylysy boıynsha jumystar ortasha eseppen 70 paıyzǵa aıaqtalǵan. 151 shaqyrymdyq jol paıdalanýǵa berilip úlgergen.

Keńeste jalpy jol-qurylys salasyna qatysty birqatar ózekti másele saralandy desek, sonyń biri – qurylys materıaldary baǵasynyń aıtarlyqtaı ósýi. «ABK Avtodor-NS» JShS ókiliniń aıtýynsha, búginde bıtýmnyń quny tonnasyna 138 myń teńgeni quraıdy. Sondaı-aq, metall qurylymdar, janar-jaǵarmaı jáne basqa da materıaldar qymbattaýda.

Oblys ákimi Berdibek Saparbaev jumysshylar men tehnıkanyń tapshylyǵy boıynsha qytaılyq merdigerge qatysty shaǵymdar kóp ekenin atap ótti. Jazbasha túrde baıandalǵan jáne ındýstrııa jáne ınfraqurylymdyq damý mınıstrligine joldanǵan basqa da suraqtar barshylyq.

d

- Mınıstrlik joldardyń jaı-kúıine, sondaı-aq qurylys materıaldarynyń baǵasyna obektıvti taldaý júrgizedi. Merdigerlerdiń jumys tájirıbesi men mindettemelerin oryndaý sapasyna qaraı olardyń reıtıngisin ázirleımiz. Biz jaýapkershiligi joǵary adal merdigerler pýlyn quramyz, ol boıynsha eń jaýapty qosalqy merdigerlik uıymdardyń keleside bas merdiger ataný múmkindigin qarastyra bastaımyz.

Bas merdigerler jumystyń negizgi kólemin qosalqy merdigerlik uıymdardyń moınyna júktegeni durys emes. Olardyń tarapynan oryndalǵan jumys úshin tólemniń keshiktirilýi týraly da kóptegen shaǵymdar bar. Biz qosalqy merdigerlik jumystarmen aınalysatyn shaǵyn kompanııalardy qoldaý baǵytyn jalǵastyramyz. О́ıtkeni, kóptegen qurylys jumystary solarǵa artylǵan.

Qurylys materıaldary baǵasynyń ósýi – bul ortaq másele. Qarjy mınıstrligimen birlesip, memlekettik satyp alý týraly zańǵa ózgerister engizý kerek. Monopolııaǵa qarsy komıtetpen aýqymdy jumys jasaý mańyzdy. Jalpy alǵanda, joba iske asyrylýǵa qabyldanǵan kezde qurylys materıaldarynyń baǵasy týraly másele kóterilýi kerek. «Qazavtojol» AQ basshylyǵyna jol kompanııalarynyń barlyq kelisim-sharttaryn taldaýdy, al merdigerlerge óz usynystaryn joldaýdy tapsyramyn.

Qytaı kompanııasyna qatysty Shyǵys Qazaqstan oblysynda da máseleler bar. Eger sizder Qytaıda jumys isteseńizder, sol 90 shaqyrym joldy 90 kúnde retke keltirer edińizder, - dedi Beıbit Atamqulov.

Sondaı-aq, keńeste pavlodarlyq «Temirmash» kompanııasynyń qosalqy merdigeri bas merdiger «ABK Avtodor-NS» JShS tarapynan tólemderdiń keshiktirilgenine qatysty shaǵymdandy. Mınıstr jedel túrde oryndalǵan jumystarǵa aqy tóleýdi tapsyrdy.

Jıynda «Taraz» Hımpark» AEA basqarýshy kompanııasyna qatysty da az syn aıtylmady.

- Sońǵy jyldary is júzinde eshqandaı ózgeris joq. О́tken jyly qant zaýytynyń qurylysy bastalýy kerek edi, áli sol qalpynda tur. Mıllıardtaǵan bıýdjet qarjysy jumsalǵanymen, nátıjesi joq deýge bolady. Sonymen qatar, munda aıtarlyqtaı jalaqysy bar kóptegen shtat ashylǵan. Eger jumys isteıtin jobalary bolmasa, olar ne úshin aqsha alyp otyr? – dedi oblys ákimi Berdibek Saparbaev.

Belgili bolǵandaı, basqarýshylar shtaty 147-den 75 adamǵa deıin qysqartylǵan. Munda 16 nysan paıdalanýǵa berilgen desek, olar tek ınjenerlik ınfraqurylymǵa ǵana qatysty.

Aımaq basshysy mınıstrge «Taraz» Hımpark» AEA-ny damytý máselesin qarastyrý úshin arnaıy selektorlyq keńes shaqyrýdy usyndy. Usynys qabyldandy.

- Kelisemin, salynǵan qarajat aýqymdy, olardyń jumsalýy boıynsha esep berý kerekpiz. Joldarǵa keletin bolsaq, jol boıyndaǵy qyzmet kórsetý nysandaryn damytýǵa kúsh salý qajet. Basty mindet – bıyl Merki-Shý-Býrylbaıtal jolynyń bir baǵytyn ashý. Qurylys materıaldarynyń baǵasyna keletin bolsaq, kelisimsharttardyń basqa júıesine kóshetin kez keldi dep esepteımin, - dep atap ótti Beıbit Atamqulov.

Basqosý sońynda oblys ákimi Berdibek Saparbaev Jambyl oblysynda bıtým shyǵaratyn zaýyt salýdy usyndy.

- Jer bólý jáne ınfraqurylym júrgizýde eshqandaı másele bolmaıdy. Sondaı-aq, qurylys uıymdary bıznestiń áleýmettik jaýapkershiligi sııaqty tujyrymdamany umytpaýy tıis. Jergilikti jurtshylyqtyń áleýmettik máselelerin sheshýge kómektesińizder, - dedi aımaq basshysy.

Sońǵy jańalyqtar

Qazaqstanda alty óńir «qyzyl» aımaqta tur

Koronavırýs • Búgin, 09:57

13 mamyrǵa arnalǵan aýa raıy boljamy

Qazaqstan • Búgin, 09:39

Batys Qazaqstanda jańa qaýly shyqty

Aımaqtar • Búgin, 09:16

Balýan Sholaqtyń dombyrasy

О́ner • Búgin, 09:00

Jazǵa sálem joldaıyq

О́ner • Búgin, 08:55

Jylqyshy aýyldyń jaqsylyǵy

Aımaqtar • Búgin, 08:54

Sýdy únemdeý el úmitin aqtaı ma?

Aımaqtar • Búgin, 08:50

Qanmen jazylǵan kartınalar

Tarıh • Búgin, 08:45

Stýdentterdiń sóz saıysy

О́ner • Búgin, 08:41

Halyq únine qulaq asatyn ortalyq

Qoǵam • Búgin, 08:39

Egilgen tal-terektiń obalyna qalmaıyq

Ekologııa • Búgin, 08:37

Ońtaıly onlaın aýksıon

Tehnologııa • Búgin, 08:35

Qoldy bolyp jatqan qaraýsyz mal

Aımaqtar • Búgin, 08:30

Brakonerge buǵaý bolmaı ma?

Aımaqtar • Búgin, 08:28

2021 jyl – qalpyna kelý kezeńi

Koronavırýs • Búgin, 08:25

Kıik kúıik pe?

Ekologııa • Búgin, 08:18

Qaýiptiń betin vaksına qaıtarady

Medısına • Búgin, 08:15

Halyqpen 200-den astam kezdesý ótkizdi

Parlament • Búgin, 08:14

«Osyǵan deıin nege birikpedi?»

Medısına • Búgin, 08:13

Qorqynyshty seıiltý quraly

Medısına • Búgin, 08:11

«Qazaqstanym!» dep, qalamy júıtkip tur

Qazaqstan • Búgin, 08:10

Hantáńirden qanat qaqqan qaıratker

Qoǵam • Búgin, 08:08

8 raýndta – 8 mıllıon dollar

Boks • Búgin, 08:07

Úı salǵanǵa – úlken kómek

Qoǵam • Búgin, 08:05

Bartımen sheberlik baıqasty

Tennıs • Búgin, 08:05

«Jigitter bar narqasqa...»

Sport • Búgin, 07:59

Ekonomıka damý jolaǵyna shyqty

Ekonomıka • Búgin, 07:58

Túrkistannyń jańa dáýiri

Qoǵam • Búgin, 07:55

Avıasııa salasy qoldaýǵa muqtaj

Qoǵam • Búgin, 07:50

Merkeldiń memleketshildigi

Álem • Búgin, 07:47

Uqsas jańalyqtar