Onyń aıtýynsha, naýryz aıynda júrgizilgen saýaldama qorytyndysy boıynsha, halyqtyń ınflıasııalyq yqtımaldylyǵy 0,2%-ǵa ósti. Olardyń bir jyl alǵa sandyq baǵasy 6,9%-dy qurady (aqpanda – 6,7%). Aldaǵy 12 aı ishinde baǵanyń qazirgi ósý qarqynynyń saqtalýyn nemese onyń áldeqaıda kóterile túsetinin kútetin respondentterdiń úlesi 44%-ǵa deıin artty (aqpanda – 42%) (1-keste).
Inflıasııany baǵalaýda baǵanyń óte joǵary bolatynyn atap ótken respondentterdiń úlesi 46%-ǵa deıin tómendedi (aqpanda 53%).
Ádettegideı, saýaldamaǵa qatysqandardyń basym kópshiligi (88%) azyq-túlik baǵasynyń ósetinin aıtady. Sonymen birge azyq-túlikke jatpaıtyn taýarlar baǵasy kóteriledi dep belgilegen respondentterdiń úlesi artty: 2021 jyldyń aqpan aıyndaǵy 3,3%-dan naýryzda 4,5%-ǵa deıin jáne qyzmetterge – 2,5%-dan 3,4%-ǵa deıin (2-keste).
Qazirgi qarjylyq jaǵdaıdy baǵalaý teris aımaqta saqtalyp otyr. Naýryzda pessımıstik jaýaptardyń úlesi aqpandaǵy 35,5%-dan 36,2%-ǵa deıin ósti. Bolashaq qarjylyq jaǵdaıǵa qatysty oń baǵamdaý basym, naýryz aıynda olar 38%-ǵa deıin ósti (aqpanda – 37%). Halyqtyń kólemdep satyp alýǵa daıyndyǵy ótken aımen salystyrǵanda oń baǵalardyń ósýi esebinen birshama jaqsardy: aqpan aıyndaǵy 13%-dan naýryz aıynda 15%-ǵa deıin.
2021 jyldyń naýryz aıynda ekonomıkanyń damýy boıynsha qysqamerzimdi jáne uzaqmerzimdi boljam ekinshi aı qatarynan nasharlaı tústi, degenmen oń aımaqta qalyp otyr.
