Taǵaıyndaý • 21 Sáýir, 2021

Nursultan Nazarbaevtyń orynbasary taǵaıyndaldy

199 ret kórsetildi

Prezıdent Qasym-Jomart Toqaevtyń ókimimen Marat Almasuly Ázilhanov jańa qyzmetke taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.

Memleket basshysynyń ókimimen Marat Almasuly Ázilhanov Qazaqstan halqy Assambleıasy Tóraǵasynyń orynbasary, Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi laýazymyna taǵaıyndaldy.

Ázilhanov Marat Almasuly 1965 jyly dúnıege kelgen. 1988 jyly Qaraǵandy memlekettik medısına ýnıversıtetin, 2000 jyly Qazaqstan Respýblıkasy Ulttyq qaýipsizdik komıtetiniń akademııasyn «Quqyqtaný» mamandyǵy boıynsha bitirgen. Qazaq, orys jáne aǵylshyn tilderin meńgergen.

1988-1992 jyldar aralyǵynda Qyzylorda qalasynyń Medısınalyq mekemelerinde dáriger-hırýrg bolyp eńbek etti;

1992-2011 jyldar aralyǵynda – Qazaqstan Respýblıkasynyń Ulttyq qaýipsizdik organdarynda qyzmet jasady;

2011-2013 jyldar aralyǵynda – Qazaqstan Respýblıkasy Din isteri agenttigi tóraǵasynyń orynbasary;

2013-2014 jyldar aralyǵynda – Qazaqstan Respýblıkasy Din isteri agenttiginiń tóraǵasy;

2014-2016 jyldar aralyǵynda – Qazaqstan Respýblıkasy Mádenıet jáne sport vıse-mınıstri;

2016-2018 jyldar aralyǵynda – Qazaqstan Respýblıkasy Din isteri jáne azamattyq qoǵam mınıstrliginiń jaýapty hatshysy;

2018-2019 jyldar aralyǵynda – Qazaqstan Respýblıkasy Qoǵamdyq damý mınıstrliginiń jaýapty hatshysy.

2019 jylǵy 6 naýryzda Qazaqstan Respýblıkasy Aqparat jáne qoǵamdyq damý mınıstrliginiń vıse-mınıstri bolyp taǵaıyndaldy.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar