Elorda • 21 Sáýir, 2021

Sot «SQ-Farmasııanyń» eks-basshysyn bosatýdan bas tartty

498 ret kórsetildi

Sot SQ-Farmasııanyń burynǵy basshysy Berik Sháripke qatysty is boıynsha aldyn ala tyńdaýda aıyptalýshyny qamaýdan bosatýdan bas tartty, dep habarlaıdy Egemen.kz

Sot tyńdalymynda sottalýshynyń advokattary qamaýdan bosatý nemese bultartpaý sharasyn jeńildetý týraly ótinish bildirgen edi. Berik Shárip 361-baptyń 4-bóligi 3-tarmaǵy «Laýazymdyq ókilettilikterdi teris paıdalaný babynyń birinshi bóliginde kózdelgen jaýapty memlekettik laýazymdy atqaratyn adam jasaǵan is-áreket» boıynsha aıyp taǵylǵan. Aıyptalýshynyń advokaty Baýyrjan Beıbatyr eks-basshyny tutqyndaý zańsyz ekenin aıtyp, ony bosatýyn suraıdy.

«Men barlyq tergeý sharalaryna qatystym, eshteńeni jasyrýǵa tyrysqan joqpyn, óıtkeni men ózimniń kinásiz ekenime senimdimin. Sizden osy talap-aryzdy qoldap, qamaýdan bosatýyńyzdy suraımyn», dedi Berik Shárip.

Alaıda, Nur-Sultan qalalyq Esil aýdanynyń №2 aýdandyq sotynyń sýdıasy ótinishti qanaǵattandyrmady.

«Shárip jeti jylǵa deıin bas bostandyǵynan aıyrý jazasyn qarastyratyn aýyr qylmys jasady dep kúdikke ilingen. Bultartpaý sharasyn tańdaý kezinde Qylmystyq is júrgizý kodeksiniń 136 jáne 147-baptarynyń normalarynyń talaptary eskerildi, qamaýda ustaýdyń maksımaldy merzimi áli aıaqtalǵan joq. Osyǵan baılanysty, qazirgi kezeńde bultartpaý sharasyn ózgertýge negiz joq», dedi sýdıa.

Eske salaıyq, ótken jyldyń 10 shildesinde «SQ-Farmasııa» Basqarma Tóraǵasy Berik Shárip qyzmetinen bosatylǵan bolatyn. Ol tóraǵalyq qyzmetke 3 aı ýaqyt buryn ǵana kelgen edi. Artynsha 14 tamyzda  basqarmanyń burynǵy tóraǵasy Berik Shárip ustaldy.

 

Gaýhar QAPASh

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar