Qazaqstan • 21 Sáýir, 2021

Memlekettik josparlaý júıesindegi ulttyq jobalar qalaı baǵalanady?

24 ret kórsetildi

Strategııalyq josparlaý jáne reformalar jónindegi agenttiktiń tóraǵasy Qaırat Kelimbetov Memlekettik josparlaý júıesi aıasynda ulttyq jobalar qalaı baǵalanatyndyǵyn aıtty, dep habarlaıdy Egemen.kz

Qaırat Kelimbetov Aqordada Memleket basshysynyń tóraǵalyǵymen ótken Reformalar jónindegi joǵarǵy keńes otyrysynda: «Árbir joba ázirleý barysynda Ulttyq ekonomıka mınıstrligi tarapynan ekonomıkalyq negizdiligine, Qarjy mınıstrligi tarapynan qarjy resýrstarymen qamtamasyz etilýine, Strategııalyq josparlaý jáne reformalar agenttigi tarapynan memlekettik josparlaý júıesiniń joǵarǵy qujattaryna sáıkestigine baǵalanady», dep aıtty.

Agenttik basshysynyń atap ótýinshe, odan ári joba Úkimetpen kelisilgennen keıin Prezıdent Ákimshiliginiń qaraýyna jáne Prezıdent janyndaǵy Joǵarǵy keńestiń maquldaýyna ári bekitýne engiziletin bolady. Ulttyq joba joǵaryda atalǵan kelisýdiń barlyq kezeńinen ótkennen keıin Úkimet qaýlysymen zańdy túrde bekitiledi.

«Buǵan qosa, jobalar el Parlamentiniń depýtattyq korpýsymen de talqylanýy tıis. Bul bıýdjettik prosester aıasyndaǵy ózara is-qımyldy úılestirýdi qamtamasyz etýge múmkindik beredi», dedi Qaırat Kelimbetov.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar