Taǵaıyndaý • 22 Sáýir, 2021

Adam ólimine qatysy bolǵan eks-ákim qyzmetke taǵaıyndaldy

239 ret kórsetildi

О́skemenniń eks-ákimi Qýat Týmabaev Rıdderde adam ólimimen aıaqtalǵan jol apatynan keıin basy daýǵa qalǵan edi. Alaıda, qazir ol jańa qyzmetke taǵaıyndaldy, dep habarlaıdy Egemen.kz

Saýda jáne ıntegrasııa mınıstrligi baspasóz qyzmetiniń ókili Tumabaev Qýat Muhıtuly eksportty qoldaý departamentiniń dırektory bolyp taǵaıyndalǵanyn rastady. Ol jumysqa memlekettik qyzmet týraly zańǵa sáıkes, konkýrstyq prosedýralar negizinde alynǵan.

«Konkýrsqa qatystyrý nemese qatystyrmaý talaptary zańda jazylǵan. Konkýrstyq komıssııa músheleriniń barlyq prosedýrasy ADGS saıtynda  ashyq kórsetildi. Barlyǵy jarııalandy. Onyń (Qýat Tumabaevtyń – red) konkýrsqa qatysýǵa eshqandaı shekteýleri bolǵan joq», dedi baspasóz qyzmetiniń ókili.

Eske sala keteıik, 2018 jyldyń 15 sáýirinde Rıdder qalasynda 18 jasar jaıaý júrginshiniń ólimine alyp kelgen jol-kólik oqıǵasyna Qýat Tumabaevtyń qatysy bar ekeni aıtylǵan. Iаǵnı ol bozbalany qaqqan júrgizýshiniń janynda otyryp, keıin basqa kólikpen ketip qalǵan.

Sol kezde Shyǵys Qazaqstan oblysynyń ákimi Danıal Ahmetov onyń mundaı joǵary laýazymǵa laıyq emestigin aıtyp, qyzmetinen bosatqan edi. Qýat Tumabaevtyń búginge deıin nemen aınalysqany belgisiz. Biraq jańa qyzmetke memlekettik qyzmet týraly zańǵa saı konkýrs arqyly kelgen.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar