Álem • 23 Sáýir, 2021

AQSh klımattyń jylynýyna alańdaýly

10 ret kórsetildi

AQSh bıyl ótetin klımattyń jylynýy jónindegi sammıttiń aldynda málimdeme jasap, álem elderinen 2030 jylǵa deıin parnıkti gazdardy shyǵarý kólemin 50 paıyzǵa azaıtýdy surap otyr.

 

Aq úı bıligi klımat daǵdarysymen kúresý úshin mundaı qadam qajetti dep esepteıdi. Osy aptada ótetin klımat sammıti AQSh prezıdenti Djo Baıdenniń bastamasymen uıymdastyrylmaq. Is-shara beınekonferensııa rejiminde ótedi. Osyǵan oraı, Aq úı AQSh-tyń 2030 jylǵa deıin parnıkti gazdar kóle­min 2005 jylǵy deńgeıden 50 paıyzǵa azaıtatynyn habarlady.

Aq úı ákimshiliginiń qyzmetkeri The Guardian gazetine bergen suhbatyn­da AQSh-tyń buǵan deıingi prezıdent­tiń sheshimderinen bas tartatynyn jetkizgen. Sondaı-aq kútýge ýaqyt joq ekenin, dál qazir áreket etý qajetine ekpin bergen.

Aıta keterligi, AQSh-tyń eks-prezı­denti Donald Tramp Parıj kelisiminen shyǵatynyn málimdegen edi. Endi Djo Baıden ákimshiligi burynǵy basshynyń kemshiligin jýyp-shaıyp, qaıtadan halyqaralyq qoǵamdastyqtyń senimin ıelenýdi kózdeıdi.

Aq úı búginge deıin Kanadanyń, Argentınanyń, Japonııanyń parnık­ti gazdar shyǵarý kólemin azaıtý­ǵa kómekteskenin aıtady. Sondaı-aq Uly­brıtanııa sekildi basqa elderge qol­ushyn sozýǵa ázir.

Álemdegi kómirtegi gazyn shyǵarý boıynsha eń birinshi orynda turǵan Qytaı bul sheshimge kúmánmen qaraıdy. Áıtse de, el basshysy Sı Szınpın klımattyń jylynýy jónindegi sammıtke qatysady.

BUU Bas hatshysy Antonıo Gýter­rıshtiń aıtýynsha, AQSh-tyń par­nıkti gaz­dardy 50 paıyzǵa tómendetýi plane­ta­nyń klımat daǵdarysyna ushy­­raýyn toq­tatýy qajet. Ǵalymdar álem 2030 jyl­ǵa qaraı shyǵaryndylardy eki ese­ge azaıtýy keregin eskertip otyr.

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar