«Nur-Sultan qalasy Esil aýdanynyń №2 aýdandyq soty úkimimen qalanyń Tótenshe jaǵdaılar departamentiniń bas mamany Dúısenov 4 jylǵa bas bostandyǵynan aıyrý, «Aıst-Servıs» JShS dırektory Satvaldınov 4 jylǵa bas bostandyǵynan aıyrý jazasyna kesildi, al «Bi Global» JShS joba jetekshisi Ipbergenovke qatysty 53 mln teńge somasynda aıppul salyndy», dedi Danııar Bekaıdarov.
Danııar Bekaıdarovtyń aıtýynsha, Satvaldınovtyń qylmysqa ıtermeleýimen Dúısenov 2 mln teńge somasyndaǵy parany Ipbergenovtan aldy degen kúdikke ilindi.
Atalǵan jaıttan keıin elordadaǵy Jeńil atletıka sport kesheni nysanynyń órt-tehnıkalyq jaǵdaıyn qaraý barysynda anyqtalǵan órt qaýipsizdigi normalarynyń buzylǵanyn jasyrý faktisi tekserildi.
