Jat ádetten jırendiretin joba

Halyqtyń kóp bóligin qam­tı­tyn bul salada cybaılas jem­qorlyqqa qarsy mádenıetti qa­lyp­tastyrý jáne aldyn alý maqsatynda 2018 jylǵy 18 sáýirden bastap Sybaılas jem­­­qorlyqqa qarsy is-qımyl agent­­tiginiń bas­tamasymen Sa­na­ly urpaq respýblıkalyq jo­ba­­sy Almaty qalasynda ju­my­syn bas­ta­ǵan.

Respýblıkalyq Sanaly urpaq jobalyq ofısiniń je­tek­shisi Qaıyrjan To­ký­shev­tyń aıtýynsha, jobanyń maqsaty – bilim berý júıesinde sybaılas jemqorlyqtyń aldyn alý, bilim berý júıesi arqyly sybaılas jemqorlyqtan bas tartý ortasyn qalyptastyrý. Elimizdiń bilim berý sala­synda quqyqtyq jáne sybaılas jemqor­lyq­qa qarsy saýattylyqty artty­rý, sybaılas jemqorlyqqa qar­sy sanany qalyp­tas­tyrý, aka­­demııalyq adaldyqty, oqý oryn­­­da­ry­nyń ashyqtyǵy bo­ıynsha júıeli jáne aýqymdy jumys júrgizýge baǵyttalǵan. Joba tájirıbelerin synaqtan ót­kizip, res­pýb­­lıkanyń bas­qa aımaqtaryna taratýǵa Al­­ma­­­­ty qalasynyń tańdap alynǵany da jaıdan-jaı emes. Búginde Almaty qalasynda 39 joǵary oqý orny bar, onyń 8-i – ulttyq ýnıversıtet, 88-i – kolledj. Al 266 mek­tep­tiń 205-i – memlekettiń menshigin­de­gi mek­tepter bolsa, 893 bala­baq­shanyń 185-i – mem­le­kettik bala­baqsha.

Prezıdent janyndaǵy Mem­le­ket­tik basqarý akademııasy, Ál-Farabı atyndaǵy QazUÝ, agent­tiktiń aýmaqtyq departa­ment­­teri jáne elimizdegi bilim berý salasyndaǵy basqarmalar men bilim ordalary jobanyń senimdi serikteri bolyp keledi. «Búgingi tańda Sanaly urpaq jobasy aıasynda el boıynsha pa­rasattylyq jáne adaldyq qa­ǵı­dattaryn qalyptastyrý ala­ńynda 717209 oqýshyny qam­tı­tyn 4602 Adal urpaq jáne 473600 stýdentti biriktiretin 746 Sanaly urpaq klýbtary jumys isteıdi.

Bilim ordalarynda sybaı­las jemqorlyqqa qarsy má­de­nıet­­ti qalyptastyrýǵa ba­ǵyt­­tal­ǵan taqyryptaǵy esseler, sýretter, beınerolıkter, óleń­der konkýrstary turaqty túr­de uıymdastyrylyp keledi jáne jyl saıyn saýaldamalar, aı sa­ıyn «Adaldyq saǵattary» ótki­zilýde. Mysaly, Tuńǵysh Prezıdent kúni qarsańynda 2019, 2020 jyldary «Men jas­tarǵa senemin!» forýmy aıasynda sybaılas jemqorlyqqa qarsy ǵylymı ınnovasııalyq jobalar baıqaýy eki márte ótken. Baıqaýdy bıyl da ótkizý jos­par­lanyp otyr.

Respýblıkalyq Sanaly urpaq jobalyq ofısi men Ál-Farabı atyndaǵy QazUÝ «Sy­­baılas jemqorlyqqa qar­sy tehnologııa­lar» ǵylymı-zert­teý ınstıtýty sybaılas jemqorlyqqa qarsy oqý ádis­te­melik quralyn jáne bilim sala­synda sybaılas jem­qorlyqqa qar­sy táýekelderdi ishki tal­daýǵa arnalǵan ádistemelik usynymdar ázirlegen. Bul qu­ral­­dardy bilim berý meke­me­­l­eri paıdalanyp keledi. Sonymen qatar balabaqsha, mektep, kolledj jáne joǵary oqý oryndarynda kezdesýi múmkin sybaılas jemqorlyq táýekelderin anyqtap, karta ázirlenip, bilim salasyna usynystar tara­tyl­dy jáne sheshý joldary kór­setildi. Qazirgi kezde bilim berý mekemeleri sybaı­las jem­qor­lyq­tyń aldyn alýǵa ba­ǵyt­talǵan sha­ra­lardy júr­gi­zý­ge belsendi atsalysyp kele­di. Osy maqsatta jobalyq ofıs usyn­ǵan ke­shendi jospardy qabyl­dap, oryndaý ústin­de», deıdi Q.Tokýshev.

Búginde joba jumysyna BUU qyzy­ǵý­shy­lyq tanytyp otyr. Osy oraıda Sanaly urpaq jobasynyń maman­da­ry Ja­ponııada ótken BUU-nyń 14-kon­gresine arnaıy sha­qy­­ryl­ǵan. BUU-nyń Álemdi tu­raqty da­mytý baǵ­dar­la­ma­sy­nyń 4,11,16-maq­sat­ta­ry­na sáıkes ke­le­­tin jobanyń ju­my­­symen shet memle­ketter ókil­deri tany­syp, suraqtaryna ja­ýap alǵan. О́tken úsh jylda joba aıasynda atqa­­rylǵan ju­mys­tar bilim salasynda sy­baı­­las jemqorlyqqa qarsy is-shara­lardy jú­ı­eli, maq­satty júr­gi­zý­ge serpin berip ke­ledi.