T.Qaraǵoıshın Almaty sáýlet-qurylys ınstıtýtyn «ınjener-qurylysshy» mamandyǵy boıynsha (1985 jyly), sondaı-aq Tehnologııa, qurylys, baǵalaý jáne sapany basqarý ýnıversıtetin «zańger-sarapshy» mamandyǵy boıynsha (2004 jyly) bitirgen.
Eńbek jolyn 1985 jyly Oral oblysy PMK-5 ýchaskesiniń sheberi bolyp bastap, keıin proraby bolǵan. «Oralavtodor» bas mamany, dırektordyń orynbasary, BQO boıynsha sáýlet-qurylys baqylaý, ınspeksııalaý jáne lısenzııalaý basqarmasynyń basshysy, Batys Qazaqstan oblysy ákiminiń orynbasary, «SUPER-ACCORD ASTANA» JShS Bas dırektory bolyp qyzmet atqardy.
«QTJ» UK« AQ Astanalyq fılıalynyń jobalaý jáne kúrdeli qurylys dıreksııasyn, Aqmola oblysy boıynsha Memlekettik sáýlet-qurylys baqylaý jáne lısenzııalaý departamentin, QR О́ńirlik damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń Qurylystaǵy smetalyq normalar basqarmasyn basqardy.
Indýstrııa jáne ınfraqurylymdyq damý mınıstrligi Qurylys jáne TKSh isteri komıtetiniń tóraǵasy laýazymyna taǵaıyndalǵanǵa deıin «Jobalardy memlekettik vedomstvodan tys saraptaý« RMK bas dırektory bolyp jumys istedi. «Qurmet» ordenimen marapattalǵan.
